「安比高原」係位於日本岩手縣一個自然資源豐富嘅高原。喺呢度可以享受四季截然不同嘅風景同活動，例春天至秋天可以打高爾夫球、爬山健行，冬天玩各種冬季運動，一年到尾都可以玩得盡興！大家睇吓以下景點有興趣？
日本岩手縣的安比高原
「安比高原」位於岩手縣縣中央地區嘅八幡市內，係以安比岳為中心嘅一片約3500公頃嘅廣闊高原。一整年無論邊個時候去安比高原都可以享受各種多采多姿嘅活動。春、夏、秋三季可以打網球、高爾夫球，而冬天就有滑雪等冬季活動。另外四季更迭呈現嘅美景都非常值得欣賞。一片廣闊嘅白樺樹林同草地、山林之間嘅原生森林，穿梭其中享受森林浴都唔錯喎。另外仲有牧場，不妨試吓新鮮牛奶同雪糕啦。
安比高原的滑雪渡假村
「安比高原滑雪場」係東北地區數一數二嘅滑雪場之一。總滑行距離為43公里，共有21條滑雪道，備有相當充實嘅滑雪設施。除咗可以享受滑雪樂趣之外，仲有唔少為小朋友而設嘅設施，係一個非常適合一家大細去玩嘅滑雪場，所以非常受歡迎。營業期間預計為12月至4月底（依每年雪場狀況而可能有所調整）。
安比高原滑雪場吊椅纜車1日券
滑雪季時吊椅纜車1日券嘅費用為成人5,600日圓、長者3,900日圓、小學及中學生3,300日圓（依時期費用有所調整）
安比高原滑雪場的滑雪課程
安比高原滑雪場所提供嘅滑雪課程分為青少年課程及個人滑雪課程。報名參加滑雪課程需要事先預約，但如果當日有空缺，亦可當場報名。
入住安比高原溫泉酒店鬆一鬆
安比高原附近有好多酒店、別墅同民宿，仲有附設溫泉設施嘅酒店，渡假公寓等各種住宿設施，可根據個人需求任君選擇想入住嘅住宿設施，非常有彈性，而且來回市區嘅交通配套都相當便利。
去安比高原的交通
從東京都內去安比高原嘅話，首先可以喺東京站搭新幹線，車程約2小時15分鐘，喺盛岡站落車後轉車，搭JR電車到安比高原站，車程約1小時。
景點資訊
- 景點名稱：安比高原滑雪場
- 地址：岩手縣八幡平市細野
- 交通方式：東京車站→［新幹線] 約2小時15分鐘→盛岡站→[JR]約1小時→安比高原站 → [公車]5分鐘→ 安比高原接駁巴士廣場前…徒步約1分鐘
- Wi-Fi : 無法使用
- 語言：只限日文
- 門票：現場門票販售處、網路售票
- 信用卡：僅限報名滑雪課程時使用
Comments