滋賀縣位於日本關西地區，縣中部有琵琶湖，湖周邊為廣闊盆地，係一個被比良山地和伊吹山等群山包圍嘅縣域。除咗坐擁琵琶湖八景、近江八景等大自然景致，亦有唔少寺廟神社和戰國時代所遺留嘅建築物等歷史性建築。從大自然到歷史、文化等各種不同類型嘅樂趣，都可以喺呢度感受得到！今次，小編會為大家分別以「大津」、「湖南・甲賀地區」、「湖東・東近江地區」、「湖西・湖北地區」4個區域介紹滋賀縣嘅精彩必睇位！由於鄰近京都，所以亦推薦去京都旅遊時，一同巡遊滋賀縣喔。
大津地區：乘坐觀光船周遊琵琶湖&巡遊神社佛閣
約500年前所定嘅琵琶湖名勝「近江八景」幾乎都聚集喺大津地區。滋賀縣內最靠近京都，從JR京都站到JR大津站只相隔2個站，車程約10分鐘即可抵達。大津港有周遊琵琶湖觀光船嘅碼頭，於大津港海面更有全球最大型嘅花式噴泉，迎接到訪人士。另外，亦有「比叡山延曆寺」等多個令人可感受歷史嘅莊嚴寺社。
海拔848米嘅比叡山，其山域整個範圍為天台宗總本山。比叡山延曆寺係於大約1200年前由「最澄大師」建成，亦係琵琶湖周邊寺院具代表性嘅存在。於12世紀末期，各宗派祖師們曾於比叡山修行，因此被美譽為「日本佛教的母山」。寺內範圍廣闊，並分成三個地區，各地區皆設有本堂、佛堂等，其數量更超過100個以上。另外，亦有唔少被定為國寶和重要文化財嘅佛堂等建築物。比叡山延曆寺係一座被大自然包圍，可以令人感受到歷史深度與日本之美嘅寺院。
※國寶根本中堂由平成28年～令和9年12月底為止進行改建工程（可入內參拜）
湖南・甲賀地區：琵琶湖博物館、MIHO MUSEUM等多個博物館景點
湖南・甲賀地區有多個美術館、博物館等，與文化和藝術相關嘅設施。「滋賀縣立琵琶湖博物館」係湖南地區嘅景點之一，裡面更同時設有水族館，可以睇得到琵琶湖中嘅生物。當中，亦有唔少展品可以觸碰，令大家更能感受到擁有超過400萬年歷史，世界屈指可數嘅古代湖琵琶湖嘅魅力。
另外仲有會舉辦各種企劃展嘅「佐川美術館」，從中可以欣賞到日本畫家平山郁夫、雕刻家佐藤忠良、陶藝家系第十五代傳人樂吉左衛門等人士嘅作品。
至於甲賀地區則有「MIHO MUSEUM」。走過夢幻氛圍嘅隧道後，眼前會出現來自古埃及、希臘、羅馬、亞洲等優秀作品集結。
仲有，可以喺甲賀忍者發源地進行忍者體驗嘅「甲賀之里忍術村」，亦係人氣景點。廣闊場地內設置有忍術博物館、機關屋等與忍者相關嘅設施。仲可以喺忍者道場進行忍者體驗喔。
湖東・東近江地區：彥根城、八幡堀等歷史悠久嘅地區
相鄰嘅湖東和東近江兩個區域，有著令人感受到濃厚歷史氣息嘅街道。
湖東區域擁有國寶天守，現存國寶五城之一「彥根城」係觀賞櫻花和紅葉嘅名勝景點，喺春天和秋天進行打燈期間，可以飽覽得到浮現於黑夜中嘅城堡之美。
另一方面，東近江地區嘅「安土城遺址」，係戰國時代霸主織田信長於實現天下統一前，因謀反而倒台後被燒毀嘅城堡。現今仍殘留著石牆，讓人感受到濃厚嘅歷史氣息。東近江區域嘅近江八幡，係從安土桃山時代至江戶時代期間，作為城下町而商業發展蓬勃嘅區域。現時，八幡堀碼頭等亦被復原，能夠飽覽白壁土藏、古屋林立等風景，正正係將當時面貌傳至現今時代嘅珍貴建築。
另外，鄰近東近江有一個「五個莊金堂街區」，其中近江商人宅邸亦係向現今世代傳達城下町面貌嘅名勝，可以喺度享受一個懷舊老街漫步之旅。
相關文章
湖西・湖北地區：水杉林蔭大道等大自然美麗景觀
湖北地區保留著美麗群山和櫻花名勝等豐富嘅大自然風光，可以飽覽四季不同大自然美景、享受滑雪樂趣。而湖西地區則可以盡享各種戶外活動，同埋喺呢個區域絕不可錯過嘅景點之一，就係滋賀縣內最高山峰，亦係日本百名山之一嘅「伊吹山」。從海拔約137米嘅山頂，可以眺望到琵琶湖、日本阿爾卑斯山和比叡山等群山絕景。
被選為「日本櫻花名所100選」嘅「海津大崎」亦係推薦景點。沿著琵琶湖畔種植嘅櫻花，映照於琵琶湖水中，展現出動人心弦嘅美景。
而位於縣道小荒路牧野澤線上，綿延2.4公里長嘅水杉林蔭大道亦係必睇位之一，其特徵為四季皆有不同美景，令人目不暇給。除此之外，湖中聳立著朱漆大鳥居嘅「白鬚神社」，亦係令人想順便一遊嘅地方。據聞白鬚神社以保佑延年益壽、求結緣、開運招福等，與人生相關嘅祈福相當靈驗喔。
滋賀購物地點
滋賀縣擁有各種新舊風格嘅購物景點。當中，西日本最大型嘅商業設施「MITSUI OUTLET PARK 滋賀龍王」（三井アウトレットパーク 滋賀竜王）內，就有多個著名品牌店舖，食肆亦非常充實，並提供多個附設座椅嘅休息空間，令到訪者可以更悠閒地購物。
另一方面，如果想一邊享受懷舊氣氛，一邊購物嘅話，推薦前往排列著傳統建築物群嘅「黑壁廣場」（黒壁スクエア），亦設有著名嘅玻璃工作室，可以進行吹玻璃和彩繪玻璃等體驗。
滋賀美食＆餐廳
滋賀擁有使用天然綠頭鴨烹煮嘅「鴨鍋」、高級品牌和牛「近江牛」、特產「鮒壽司」等多款名物料理。另外，仲有一款使用被稱為琵琶湖八珍嘅8種魚所製作嘅料理，亦係必食之選。有多間提供名物料理嘅店舖，皆聚集於湖畔周邊，特別係湖東・東近江地區。
滋賀酒店、旅館、溫泉地
滋賀嘅住宿設施多數集中喺大津、湖北地區。當中，大津係旅館最多嘅區域。
另外，有唔少酒店聚集於大津市、近江八幡市、彥根市等各區域嘅中心都市。如果想尋找CP值較高嘅旅館，推薦挑選大津市和湖南地區嘅草津市，擁有多間主要提供住宿嘅「住宿特化型」經濟酒店。一晚住宿費用大約3000 ~5000日圓。（2023年2月資訊）
相關文章
推薦溫泉地
滋賀每個區域都有著各式各樣嘅溫泉。當中，絕不可錯過嘅溫泉係位於大津市，擁有1200年歷史嘅「雄琴溫泉」，係由開創比叡山延曆寺嘅始祖「最澄」所開闢嘅溫泉。另外，織田信長妹妹「阿市夫人」進行溫泉療養嘅名湯「須賀谷溫泉」、以陶器信樂燒和忍者聞名嘅甲賀市「甲賀溫泉」等，各具豐富個性嘅溫泉亦相當著名。你可以喺各個區域一邊享受琵琶湖等豐富大自然風光，一邊度過一個舒適好時光。
滋賀交通
如果要去滋賀嘅話，就以旅遊嘅中心地JR大津站為目標啦。要前往JR大津站，無論係從東京，抑或係大阪出發，小編建議都係要先去JR京都站。然後，從JR京都站乘坐JR琵琶湖線約10分鐘，即可抵達。
景點資訊
- 景點名稱：滋賀縣（JR大津站）
- 地址：〒520-0055滋賀縣大津市春日町1-3
- 交通:JR京都站→[JR琵琶湖線]約10分鐘→JR大津站
- Wi-Fi:Available（Biwako Free WiFi）
Comments