日本東北地區岩手縣的森林水都「盛岡」

盛岡市係位於岩手縣中部嘅觀光市區，坐擁森林、河川，被好山好水環繞，亦有「森林水都」之稱。盛岡市曾經係繁榮嘅城下町，歷史悠久，保留咗多個古建築同歷史遺跡等觀光景點。

關於盛岡市

盛岡市係岩手縣嘅縣廳所在地，去東京首都圈或者東北各地都方便，而且亦係東北觀光旅遊重點地方之一，曾發掘出多個石器、土器以及建築遺跡。

盛岡市一年平均溫度大約10.2℃左右，寒冷程度僅次於北海道嘅札幌。冬天降雪量大，不過夏天亦屢創猛暑紀錄，所以要去盛岡觀光，都係春天或秋天會比較適宜。

盛岡嘅觀光區域分為以下五個地方。

中津川、盛岡城跡地區保留咗城下町嘅街道景色，擁有豐富歷史文化嘅遺產、自然名勝等眾多觀光景點。當中特別推薦東北三大名城之一嘅盛岡城及岩手公園、仲有樹齡約300年嘅「石割櫻」。

北上川同盛岡車站周邊地區嘅特色在於，多個觀光景點都同日本具代表性嘅文化人士之間嘅深厚淵源。例如，呢度有著名歌人「石川啄木」曾經生活過嘅武士家宅以及刻有佢作品嘅歌碑。另外，亦推薦大家可以走訪JR盛岡站東側嘅盛岡大街，係一條盛岡嘅主要街道，聚集好多手信商店同餐飲店。

北山地區保留咗好歷史建築，當中有啲景點除咗可以欣賞歷史建築物外，仲可以欣賞季節性花卉植物。例如，盛岡中央市公民館館內嘅「御藥園蹟（御薬園跡）」，喺大約300年前係一個藥草園，現時改建為池泉式回遊庭園，遊客可以欣賞中央池畔旁嘅楓紅同杜鵑美景。

另外，建推薦去「龍谷寺」，寺院內有好靚嘅盛岡垂櫻。

大慈寺、鉈屋町周邊地區過往係商人同工匠職人嘅主要居住地區。至今仍保留咗好多當時嘅歷史文化嘅歷史建築、町家同文化設施等景點。當中特別推薦下町氣氛濃厚嘅傳統街道「盛岡町家物語」，同埋擁有300年以上歷史嘅「盛岡八幡宮」。

玉山周邊地區都唔少觀光景點，除咗有歷史建築、文化設施以外，仲有得親身感受大自然魅力，可以一眼眺望優美嘅北上川各岩手山嘅「鶴飼橋」，另外亦推薦去「石川啄木紀念館」，了解石川啄木嘅文學背景。

盛岡著名嘅美食有盛岡冷麵、盛岡炸醬麵、碗子蕎麥麵，呢三樣麵被人稱為「盛岡三大麵」。盛岡冷麵嘅麵彈牙，市區有好多冷麵店可以食得到。而盛岡炸醬麵則改良自中國料理，係大排長龍嘅人氣美食。

另外，碗子蕎麥麵即係用碗仔裝上一口蕎麥麵，一啖接著一啖不斷加麵，你都可以挑戰吓一口氣可以食到幾多碗呢。而喺11月左右仲有全國比賽，睇吓可以邊度食到最多碗！呢啲著名美食都可以喺盛岡市JR盛岡車站附近嘅店鋪食得到。

盛岡市嘅住宿設施集中喺盛岡市中心，類型有酒店、旅館、別墅、公共宿舍等。不過就以酒店居多，從只提供全宿嘅酒店，到服務齊全嘅渡假型酒店都應有盡有。

另外，如果想搵價格比較平嘅住宿設施，推薦大家可以搵吓JR盛岡站附近一帶嘅酒店，依房間類型而異，價位大約2,000日圓起跳。（截至2019年10月當前資訊）

從東京去盛岡，可以喺JR東京車站搭約2~3個鐘嘅東北新幹線就可以到JR盛岡站。另外，新幹線分為三種：「隼號」車程約2小時10分鐘、「疾風號」約2小時30分鐘、「山彥號」約3小時。