【秋田縣田澤湖】美譽為日本第一深嘅湖泊

「田澤湖」位於秋田縣嘅中東部，仙北市嘅淡水湖。湖畔周圍有許多知名嘅歷史景點、遺跡、休閒景點等等。另外，可以自駕遊、或單車遊、觀光遊覽船等戶外活動體驗項目亦非常豐富。

田澤湖小檔案

田澤湖被譽為日本最深嘅湖。其周長約20公里，水深423.4米，呈圓形嘅湖泊。琉璃色嘅湖面非常美麗，當中「辰子姫（辰子公主）」嘅傳說亦名氣非常。相傳「辰子姫」祈願希望「擁有永遠嘅美麗」，然後變成了一條龍，最後成為田澤湖嘅主人。亦因為呢個傳說，此處亦係祈願美容嘅能量景點。

田澤湖年中平均氣溫偏低，只有攝氏9.5度，一年四季都非常舒適。但冬季有時候溫度會低於零度以下。

田澤湖會舉辦各種季節性活動或祭典，無論邊一個季節去玩都非常合適。例如，7月底會舉辦「田澤湖・龍神祭（たざわ湖・龍神まつり）」，祭典嘅必睇位係日本最大嘅「龍神轎（龍の御輿）」。而田澤湖夕陽西下嘅靚景亦非常壯觀迷人。

另外，9月會舉辦「田澤湖馬拉松（田沢湖マラソン）」、2月會舉辦「田澤湖高原雪祭（田沢湖高原雪まつり）」。

田澤湖居住歷史悠久，約4,000年前就有人類居住嘅存在歷史痕跡，周遭被發掘出許多陶器、石器和住宅遺跡。亦因為擁有悠久歷史，此處有許多可以惑受到歷史氣息嘅景點。

以下要為大家介紹田澤湖另一個必去嘅魅力景點與必睇自然靚景。

田澤湖周邊有好幾尊雕像，如：「辰子像」──「辰子姫」傳說故事中，那位美麗女孩嘅銅像。一尊金光閃閃嘅少女銅像，與田澤湖湛藍嘅湖水面呈現美麗嘅對比。

另一個必睇嘅係「飲水思源像」──為紀念「田澤湖」與台灣「澄清湖」結為姊妹湖，由台灣捐贈予田澤湖。飲水思源像設立於1991年，用意係希望人們謹記「陽光、空氣、水」係生命嘅三大要素。

田澤湖周圍擁有許多值得欣賞嘅自然絕景。例如，以「鳴砂（鳴り砂）」聲名遠播嘅「白濱」。所謂嘅「鳴砂」，當踏步於沙上時，會發出類似「啾、啾」聲嘅聲音。雖然而家已經沒有「鳴砂」，但成為觀光船遊覽中嘅人氣景點。

「蓬萊之松」樹齡約300年，枝葉茂盛。因為神似中國傳說中仙人居住嘅蓬萊山，因而被命名為「蓬萊之松」。據聞，當地人相信，如果觸摸「蓬萊之松」，可以獲得長壽嘅加持。

下一站就踏足去田澤湖著名嘅賞花景點。「生保內公園」於5月時，會有約1,000棵杜鵑花盛放。5月中旬到下旬，會舉行「生保內公園杜鵑花祭」，到咗夜晚仲可以欣賞點燈後醉人嘅杜鵑花花海。

另外，「刺卷濕原（濕地）」係一個珍貴嘅生態區，被茂盛嘅白花覆蓋著整片濕地，景色優美。被一大片屬「落葉喬木」嘅日本榿木林所圍繞著嘅濕地，刺卷濕原可以話係一個既人氣又珍貴嘅景點。您可以盡情在此欣賞水芭蕉與日本榿木交織而成嘅美麗景致。

從JR田澤湖站車站搭羽後交通巴士約15分鐘，可以抵達田澤湖。如果從秋田機場搭「秋田Airportliner」，大約1小時40分鐘內可以直達田澤湖。