「角館」係日本東北秋田縣嘅一個城下町，充滿復古懷舊氣氛嘅小鎮，亦有「陸奧小京都」之稱。雖然角館係一座城下町（以領主居住嘅城堡為核心來建立嘅城市），但「角館城」本身已經唔存在。即便如此，呢座小鎮依然保留咗許多武士住宅和商家等等歷史建築物。另外，仲有許多傳統祭典活動、與賞櫻相關嘅活動等等，充滿豐富嘅旅遊魅力。
角館小檔案
「角館町」係秋田縣東部嘅一個小城鎮。三面有小山丘包圍，南邊有玉川、西邊有檜木内川流經城內，周邊有許多溪谷和溫泉，可以欣賞到山區獨有嘅風貌景致。
角館嘅氣候與適合觀光嘅季節
角館年平均氣溫約攝氏11度，係一個涼爽嘅地區。夏季最高氣溫約攝氏30度；冬季平均氣溫低於攝氏0度，溫差相當大。從氣候層面去考量，角館旅遊嘅最佳時期係春季至秋季。
冬季到處都係美麗醉人嘅雪景，仲會有傳統活動嘅舉行。因此，好推薦冬季前往旅遊，享受限定嘅體驗。
角館推薦景點
角館有自然景點、神社和寺廟等各種景點，以及和服體驗、傳統手工藝體驗等等。以下為大家介紹幾個必去景點推薦。
位於內町、外町嘅角館武士住宅
角館為昔日嘅城下町，歷史悠久，時至今日仍留有許多武士住宅。城下町分為北部和南部，各有特色。
北部係一個名為內町嘅武士住宅街，一共有八座武士房屋向公眾開放，每座房屋唔單只展示內部結構和花園，仲有展示武器和文學作品。
另一方面，位於南部嘅外町，仲有一個武士住宅街，稱為「田町武家屋敷通」。係呢一區，唔只有武士住宅，仲有向公眾開放嘅其他文化設施，係一個值得去一訪嘅隱藏版景點。
春天「櫻花祭」、冬天「火振雪屋祭」等等角館嘅祭典活動
角館全年都有舉辦各種多姿多彩嘅活動。當中最注目嘅莫過於每年四月於「檜木內川」堤上舉行嘅「櫻花祭」。檜木內川堤上，有著一條由櫻花樹連綿2公里嘅櫻花隧道，甚為驚嘆壯觀。
除咗櫻花祭，每年2月14日所舉行嘅「火振雪屋祭」亦真心推薦。祭典中，人們會將炭俵（稻草包起木炭嘅狀態）綁上繩索後點燃，以自己為中心畫圈揮舞甩起來，祈禱無病消災，其黑夜裡旋繞著火花嘅情景夢幻又美麗。
另外，9月舉行嘅「角館祭（角館祭りのやま行事）」都相當富有觀賞價值，更被聯合國教科文組織列為「非物質文化遺產」。
角館美食與餐廳
去訪角館嘅話，務必試一試當地特產名物「御狩場焼」。 將肉類、當季蒔疏等以花椒味噌料理烹調而成嘅武家料理。由JR角館站通往「武家屋敷通」之間，就有多間提供「御狩場焼」嘅商店。
角館酒店與旅館
角館住宿設施集中於JR角館站周邊。雖然整體住宿設施數量唔多，但類型價格範圍都算幾廣泛，由每晚約3,000日圓嘅民宿，到每晚約13,000日圓嘅酒店都有。最常見嘅價格範圍係每晚6,000至7,000日圓。（截至2019年10月資訊）
角館各地都有合理價錢嘅住宿設施提供，如果想要再平啲嘅選擇，推薦可以試試民宿或Guest House。
從秋田前往角館嘅交通方式
要去角館，首先以抵達JR角館站為目標。從JR秋田站搭秋田新幹線約45分鐘可抵達JR角館站。角館各個景點與JR角館站基本上步行即可抵達。
景點資訊
- 名稱：角館（JR角館站）
- 地址：〒014-0373 秋田縣仙北市角館町岩瀨字中菅澤
- 交通方式：JR秋田站→[JR秋田新幹線]約45分→JR角館站
- Wi-Fi：有（Senboku City Wi-Fi）
- 語言：中文、英文、韓文
- 信用卡：可以使用VISA、MasterCard、JCB、AMERICAN EXPRESS、Diners Club International、UnionPay（依設施而異）
Comments