由作者尾田栄一郎嘅漫畫作品拍成嘅人氣動畫《ONE PIECE》，為慶祝播出20週年，推出咗劇場版《One Piece: Stampede》。今次故事舞台就喺「海賊萬博」，集結咗世界各地嘅海賊到場。路飛一行人亦為咗奪寶展開激烈戰鬥，等待喺草帽一行人面前嘅係點樣嘅命運呢？
為咗唔令唔睇呢部紀念劇場版電影嘅朋友仲雷，我地唔討論劇情，只嚟特別專訪咗《ONE PIECE》作品系列裡面，擔任路飛配音嘅聲優「田中真弓」，等佢同大家分享一下《ONE PIECE》嘅魅力、同埋尾田栄一郎老師嘅小故事，仲有聲優之間嘅相處等等。而家就請佢嚟講述一吓呢20年一路走過嚟嘅軌跡吧。
――今次劇場版電影精彩絕倫 連原作者尾田栄一郎都讚不絕口 拍心口保證呢！
喺「海賊萬博」入面出現咗好多角色。我覺得要令尾田栄一郎讚不絕口，拍心口保證好睇係一件好唔簡單嘅事。而佢嘅保證亦令到我地擔任演釋角色嘅聲優有好大嘅鼓勵。亦可以將呢份迅息傳達畀尚未接觸《ONE PIECE》嘅人。仲會令熱愛原著嘅粉絲，聽尾田栄一郎老師咁講，就一定要去睇。大家都進入戲院支持劇場版電影。我覺得我地製作咗一部好好嘅電影，無辜負老師嘅期待。
――《ONE PIECE》動漫播出經歷咗20個年頭，再次想請問您認為呢部作品嘅魅力係邊呢？
總括嚟講，成個故事都好有趣。就好似大河劇（長篇古裝劇一樣）。雖然已經播咗20年，但故事入面嘅事間發展就唔似實際咁快。路飛出發時17歲，而家先19歲，喺故事入面過咗兩年而已（笑）。持續連載１年以上嘅故事內容，配音時嘅台詞係「今日朝早﹒﹒﹒」。但其實喺1日入面，或者幾多鐘入面發生嘅劇情，實際上係花左好幾年時間去完成。去到而家望返轉頭，會發現原來先進展咗少少渣（笑）。啊，我係咪離咗題？（笑）
――長期擔任路飛嘅配音，會不會令你潛移默化之下，連性格都變得好似路飛咁？
真係會咁樣架！畢竟都已經演咗同一個角色20年，製作動畫方面亦都會聽我地嘅聲音代入角色，去繪製角色嘅發展；另一方面我地聲優亦會越演越貼近角色。所以並唔係全部都用力去演釋，有時就好自然而然演出。而聲優之間嘅角色定位亦都好類似，好似娜美嘅聲優，岡村明美喺錄音間時都會有好多互動等等，會有好多幫助（笑）。雖然佢唔似娜美咁強勢，但經常都會留意到好多事，要掌握嘅重點都會確實咁掌控，呢方面同娜美就好似。而我就係好多時起咗個頭，講咗想講嘅嘢之後，就放置喺到唔理，好多時候都係明美嚟接手，幫咗我好多。
――對於今後嘅發展都好期待！請問您又有點樣嘅期望呢？
希望能夠好好咁迎接結局。「我要成為海賊王！」都講咗成20年喇(笑)。大寶藏「ONE PIECE」到底係啲乜嘢？仲要去還帽子嗎？對於結局我都有好多想像。可以成為海賊王嘅只有一個人嗎？希望可以睇到完整嘅結局。所以我唔會先走一步架。（笑）希望可以好好咁做到結尾，所以一定會盡全力演好路飛呢個角色一直到最後。
劇場版《ONE PIECE：STAMPEDE》在日本已經喺2019年8月9日週五上映。而香港亦都喺2019年8月22日已上映，仲未睇嘅觀眾朋友，就千祈唔好錯過啦。
聲優：田中真弓、中井和哉、岡村明美、山口勝平等
導演：大塚隆史
劇本：富岡淳廣、大塚隆史
原著：尾田栄一郎
官方網站：onepiece-movie.jp
©尾田栄一郎／2019「ONE PIECE」製作委員
想看更多專訪內容：https://filmaga.filmarks.com/articles/2954/（日語）
Comments