轉個方法遊東京—搭「屋形船釣新丸」欣賞美景，享受江戶饗宴

嚟到東京觀光，除咗陸上交通工具之外，搭船經水路，通過大大小小嘅橋墩，由水面上唔同嘅角度欣賞東京晴空塔同台場嘅浪漫水岸風光，亦係一個唔錯嘅選擇。

源自平安時代高雅品味生活

屋形船嘅歷史可以追溯到平安時期，係古代貴族雅士嘅其中一種品味生活方式，到咗江戶時期就喺民間流行係嚟，更加興盛，船嘅造型同裝飾都越嚟越唯美同華麗。

喺屋形船上，可以品嚐到豐盛精緻嘅日本料理，例如新鮮彈牙嘅魚生，用星鰻、大蝦等多種酥脆鮮炸嘅天婦羅，同埋肉質鮮嫩嘅松葉蟹等料理，全部都令人食得好滿足，而且船上嘅酒精同非酒精飲料都係可以隨便飲，可以一邊食好嘢，一邊飲好酒，一邊欣賞船外美景，相當寫意。

船隻會慢慢咁行駛在喺隅田川上，並會喺東京灣上做短暫停留，一路上都會有專人介紹沿途風光，天氣好嘅時候，仲可以上船頂欣賞360度嘅水岸風光。

好推薦可以欣賞到靚靚夜景嘅夜間屋形船2.5小時遊船方案，如果配合埋煙花祭去搭船嘅話，仲可以喺河面上睇到絢爛嘅隅田川煙花！

若果有時間或者價錢嘅考算，亦都可以搭日頭嘅午餐方案，欣賞日間嘅沿岸風景，如果配合到櫻花季節嘅話，仲可以欣賞到水岸旁壯闊嘅櫻花美景。

呢種仿照古代貴族雅士們嘅享樂方式，喺現代就人人都可以簡單咁進行網上預約，兩個人起可以報名，夠10 人就即刻開船。若果想親身感受日本傳統文化，同好食嘅日本料理，同親友有個開心難忘嘅時光，就一定要嚟體驗下！