傳統與現代交織岡山之旅：2間推薦岡山酒店

岡山係遊客往來四國地區嘅必經之處之一，因日本童話《桃太郎》而聞名。岡山縣坐擁日本三大名園之一「後樂園」、懷舊復古街景「倉敷美觀地區」，以及社交媒體上熱門談討論話題之一、有如漂浮於雲海之上嘅天空之城「備中松山城」等多個值得一去嘅觀光景點，可謂處處都充滿迷人魅力。

而本文，就將會為大家推薦岡山旅遊時值得入住嘅2間酒店。

岡山格蘭比亞大酒店

「岡山格蘭比亞大酒店」與岡山車站相鄰、地理位置極佳嘅。酒店房型講究設計感與機能性，以各樓層劃分，例如最高樓層就將岡山美學與新穎設計融入房間設計；頂級樓層提供以岡山代表性景點後樂園為主題設計嘅客房；標準・家庭樓層內則設置九種唔同類型嘅客房，著重房間機能，可提供2到4名客人入住，滿足各種住宿需求。

2019年3月剛開放嘅家庭豪華客房，更最多可容納7名住客入住𠻹！

只開放予住客以及會員進出嘅私人樓層內設有游泳池、sauna、按摩浴池以及泰式按摩服務，為客人打造慢活一刻。

旅途奔波難免會令人累積疲勞，因此不妨就入住呢間酒店，好好地享受一段悠閒時光啦！

酒店內設有8間餐廳，提供法國料理、鐵板燒、咖啡廳等眾多精緻美味料理，您可依個人喜好或場合挑選。各餐廳亦會推出季節限定菜式及促銷活動。

住客可到1樓大廳迎賓室品嘗由岡山縣產季節水果所製作而成嘅芭菲聖代，係酒店相當熱門嘅名物美食之一。

而頂樓Lounge Bar則駐有調酒師親自精心為您調酒。客人可以一邊欣賞岡山動人夜景，一邊盡情享受夜晚時光。

「岡山三井花園飯店」對早餐菜式相當講究，最大特色就係選用岡山縣當地產食材所提供嘅自助式早餐，令人不禁滿心期待每日早餐！

每日從產地直接送到嘅新鮮蔬菜當中，最推薦大家一定要品嘗嘅就係高原番茄「桃太郎」。

酒店餐廳設計出多款對身體有益嘅菜譜，除豐富使用岡山當地出產、當地銷售嘅食材以外，亦備有多款岡山鄉土料理以及當地美食，如「黑色蝦仁炒飯」、「醋漬青鱗鱼（ままかりの酢漬け）」、「吉備糰子」等各種美食。

結束一日旅程後，再到岡山三井花園飯店引以為傲嘅大浴場「花園浴場」一邊浸浴、一邊眺望日本庭園之美，想必一定能夠消除一整日累積落嚟嘅疲勞！

岡山三井花園酒店距離岡山車站僅2分鐘步程，要前往中國、四國地區非常方便，輕鬆簡單就可以踏上旅程，絕對係一間適合自由行時入住嘅酒店呀！