與大自然相遇！青森縣遊行推薦必住酒店3選

位於日本本州最北端嘅青森縣，有世界自然遺產白神山、十和田湖同奧入瀨溪流等自然美景。每年夏天仲會舉行青森睡魔祭、弘前睡魔祭都非常出名，吸引好多來自全國各地嘅遊客。以下就為大家推薦3間青森縣嘅酒店先。

青森JAL城市酒店（Hotel JAL City Aomori）

青森JAL城市酒店提供細緻周到嘅服務同舒適嘅環境空間。房型選擇多，有價格實惠嘅標準房（Standard）、豪華房（Deluxe / Royal），仲有景觀優美、設施同生活用品完備嘅豪華舒適房（Deluxe Comfort）。

餐廳精挑細選當地食材製作自助式早餐，提供使用豐富海鮮同山地種植嘅食材製作料理，營養健康又美味。

早餐嘅菜式有好多使用青森當地食材製作嘅特色料理，例如使用來自日本蘋果產量第一、青森縣產嘅蘋果製作「蘋果白咖哩」或「青森蘋果法式焗菜」，仲有鯊魚肉等等。

如果想尋求高品質且舒適嘅住宿，小編就推薦呢間融合古典與現代概念嘅Richmond酒店青森。

除咗標準房，仲可以揀寬敞嘅荷李活雙床房（Hollywood Twin Room），或者係一張大床嘅舒適雙人房（Comfort Double Room）。

住客可以透過自助式早餐一早就「感受青森」。你可以品嚐加入咗日本國民零食「仙貝」嘅「仙貝湯（せんべい汁）」、「醋味噌涼拌菜（酢味噌和え）」等鄉土料理，仲有自由選擇新鮮海產同當地特產作為配料嘅「青森海鮮丼（青森のっけ丼）」添！

酒店資訊

Art青森酒店位於熱鬧嘅青森市區中，但可以遠望欣賞美麗嘅陸奧灣同八甲田連峰。酒店提供舒適嘅客房，熱門嘅「Deluxe」房型進行重新裝修，於2019年12月底重新開放使用，最多容納4人入住，咁就可以同屋企人或朋友住同一間房啦。

酒店內嘅「Aomori Bold Kitchen」係一間自然採光線嘅餐廳，窗戶為餐廳引入充足陽光。喺自助式早餐中，可以品嚐以青森嘅鄉土料理為主、豐富多樣嘅美食。

而喺日式餐廳「Nagomi（なごみ）」更可以食到青森品牌牛「倉石牛」。特別推薦倉石牛嘅壽喜燒同Shabu Shabu（涮涮鍋）。另外，青森港等觀光景點，都可以從酒店行到過去，咁方便就要順便「到此一遊」啦！