松江──擁有以結緣聞名嘅「出雲大社」，日本國寶名城「松江城」，日本百景「宍道湖」，日本最古老的溫泉之一「玉造溫泉」等名勝古蹟，人氣觀光景點非常豐富。
松江酒店選擇多多，可以滿足喺各方面有唔同需求嘅旅客，以下為大家介紹松江旅遊必住酒店推薦名單。
日本松江住宿 推薦酒店地區
酒店多數都集中喺松江站附近，從松江站前往各大景點亦非常方便，例如擁有全日本最醉人嘅夕陽美景「宍道湖」、島根兩大結緣神社之一「八重垣神社」等等；而日本最古老的溫泉之一「玉造溫泉」亦只係距離松江站約20～30分鐘車程。玉造溫泉附近嘅玉作湯神社內有一塊許願石，只要摸著許願石虔誠許願，就有機會夢想成真，係有名嘅能量點之一；另外，日本國寶名城「松江城」、以及昔日松江藩上級武士宅邸「松江歷史館」等景點亦都不容錯過。要好好玩盡松江，推薦住宿松江站附近嘅酒店可輕鬆前往市區內各大必去景點啊。
松江東急卓越大酒店──盡享優質睡眠品質、以及美味豐盛早餐。
松江東急卓越大酒店，從松江站走路3分鐘就到，地理位置優越。客房寬敞舒適，和諧平靜嘅主題設計靈感嚟自島根縣。而且所有客房都係使用Simmons蓆夢思名床，讓你一覺瞓到大天光、可以好好放鬆身心。
餐廳可以享用豐富菜色嘅日式西式自助式早餐。當中有日式會席料理、法式等多款美食任君選擇，而且用上山陰地區嘅當地新鮮食材製作更添滋味。山陰當地美食亦係餐廳自助式早餐當中嘅名單之一，例如出雲蕎麥麵、蜆肉味噌湯、松江當地產嘅新鮮蔬菜等等；而且仲可以享用到廚師即場炮製嘅煎捲蛋啊。松江東急卓越大酒店嘅服務體驗會令你再三回味，住完會想再住多幾次。
酒店資訊
- 名稱：松江東急卓越大酒店 (松江エクセルホテル東急)
- 地址：〒690-0003 島根縣松江市朝日町590
- 交通方式：羽田機場→[飛機]約1小時25分→出雲結緣機場→[利木津巴士]約30分→松江站…步行約3分鐘
- Wi-Fi：有
- 語言：英文
- 信用卡：可使用VISA、Master、JCB、AMEX、Diners、DC、UC、UFJ、NICOS、Saison、UnionPay
露櫻酒店松江店 ──周到親切嘅服務，讓人稱心滿意嘅理想住宿客房。
露櫻酒店松江店位於繁華嘅松江地區，係市內嘅熱門地段，觀光嘅理想據點。前往人氣景點松江城和宍道湖步行即可抵達。酒店附近設有餐廳和便利店，無論係想搵嘢食定係稍為小逛一下都非常方便。客房裝潢設計採用暖色系，望落既和諧又溫馨，療癒旅途中嘅疲憊感。
第二日朝早如果早起嘅話，建議可以順道去宍道湖散步觀光一下，可以欣賞到非一般嘅迷人清晨風景。免費自助式早餐亦係一項加分嘅貼心服務。
一日之計在於晨，享用一個營養均衡嘅早餐，為你帶嚟全日的活力源泉，令旅途更愉快，玩得更盡興。露櫻酒店松江店讓你感受到酒店員細膩周到嘅服務，以及可以享受到舒適嘅住宿。
酒店資訊
- 名稱：露櫻酒店松江店 (ホテルルートイン松江)
- 地址：〒690-0842 島根縣松江市東本町2-22
- 交通方式：羽田機場→[飛機]約1小時25分→出雲機場→[出雲機場線巴士]約35分鐘→JR松江站…步行約12分
- Wi-Fi：有
- 語言：英文
- 信用卡：可使用VISA、JCB、Diners Club、American Express、UC、DC、Master Card、UFJ NICOS、現金卡、iD、其他（電子貨幣：WAON、Ponta）
Comments