日本第一美男大佛？！富山縣高岡大佛特色徹底介紹！

富山縣高岡大佛與奈良大佛及鎌倉大佛並列為日本三大佛像之一。高岡大佛臉部神情溫柔又沉穩，因此更有「日本第一美男」之稱！為咗各位讀者下次參觀大佛樂趣加倍，本文將為大家介紹參觀高岡大佛之前必check重點！

關於高岡大佛

呢座被供奉於『鳳德山大佛寺』範圍內嘅阿彌陀如來坐像高15.85米、重65公噸。巨型青銅佛像雖然曾於江戶時代及明治時代兩度被大火燒毀，但憑著當地傳統手工藝品之一嘅高岡銅器技術，終在約30年後嘅1933年成功重建。

高岡大佛台座歡迎遊客進內參觀。台座上放有阿彌陀三尊像，由戰後居住於高岡嘅10位畫家繪製嘅13幅佛畫，以及第二代佛像本尊被燒毀後殘留至今嘅頭部。

參拜開放時間：6：00-18：00。參拜費用：隨喜。

從寺院入口走到佛像台座（迴廊）需要先經過一條參道。當您一邊前進一邊望著大佛時，佛像原本睇上去似係緊閉嘅雙眼，竟然會逐漸微微張開…？

高岡大佛造像非常逼真寫實，無論係眼睛、鼻子定嘴巴嘅比例都非常接近人臉。曾經稱讚過鎌倉大佛造功美嘅日本近代著名女詩人「與謝野晶子」，就曾經喺實際造訪高岡大佛之後，給予高岡大佛「比鎌倉大佛更似美男」嘅美譽！

高岡係冬季會積雪嘅地區。下大雪過後大佛被皚皚白雪覆蓋嘅模樣，就如一尊身穿白衣、頭戴白帽嘅銅像，造型與日本學校嘅「給食當番」（午餐值日生）甚為相似！當晚上5點到10點期間夜間點燈時，佛似更會營造出夢幻氛圍。

順帶一提，由於日本江戶時代期間時鐘尚未普及，因此高岡市每日上午6點以及下午6點都會敲鐘，令高岡市民能夠維持有規律嘅生活。