擁有美麗海景同海岸線嘅日本和歌山，有好多可以渡假享受嘅酒店。除咗有善用地形同氣候建成嘅主題公園、睇日落夕陽嘅有名景點外，仲有可以令人放鬆嘅溫泉。呢篇文章會為大家介紹可以超正嘅和歌山中，可以盡情感受渡假氣氛。
1. 和歌山遊艇城大酒店：享受海邊渡假氣氛
「和歌山遊艇城大酒店（Wakayama Marina City Hotel）」全部房間都有海景，係一間可以感受海邊渡假氣息嘅酒店。入面一律採用意大利製嘅傢俬同用品，全部99間客房嘅設計都各有不同。喺天氣晴朗嘅日子，仲可以由酒店眺望被選為日本百大夕陽嘅日落美景。自助式早餐亦係酒店嘅特色賣點之一，提供大概50種豐富嘅菜式，其中包括紀州南高梅、灰干秋刀魚等當地特色美食。
另外，千祈唔好錯過每朝早都舉行嘅「吞拿魚解體show」，表演入面使用嘅吞拿魚，係採用完全無經過冷凍嘅新鮮魚。採用新鮮吞拿魚製嘅握壽司，同用冷凍吞拿魚製嘅完全無得比，好食到難以形容。嚟到呢間酒店嘅話，就可以好好享受呢種融合咗和歌山嘅日本風情，加上地中海渡假氣氛嘅時光。
酒店資訊
- 名稱：和歌山遊艇城大酒店（Wakayama Marina City Hotel）
- 地址：〒641-0014 和歌山縣和歌山市毛見1517番地
- 交通方式：東京站→[新幹線HIKARI號]約3小時→新大阪站→[JR]約1小時10分→海南→[巴士]約10分鐘。羽田機場→[飛機]約1小時25分→關西國際機場→[關西機場利木津巴士]約40分→和歌山→[巴士]約40分。
- Wi-Fi：客室、1F、2Fロビーで使用可
- 語言：英文
- 信用卡：可使用VISA、JCB、American Express、Diner's Club、DC、NICOS、UFJ Card、Master Card、Saison
2. 濱千鳥之湯 海舟：和歌山的美麗日落
渡假酒店「濱千鳥之湯 海舟」建於可以眺望大海嘅海角，係日本三大最古老溫泉之一，喺呢度可以享受白濱溫泉。由海角嘅一端，可以欣賞到被選為夕陽百選之一嘅白濱夕陽。酒店入面有大型浴池、露天浴池、包場式浴池、可穿「入浴服裝」嘅混浴露天浴池等，可以一邊浸溫泉一邊欣賞美景。
最重要嘅係，呢度可以喺最靠近海岸嘅混合露天溫泉入面，享受同大海融為一體嘅感覺。如果想喺客房內獨自享受溫泉，推薦入住「獨立式平房」或「獨立小公寓」，房內附設直接由溫泉源頭引入浴池嘅露天溫泉，可以唔使理其他人眼光，自己盡情享受溫泉。喺呢度住宿包食套餐，仲包埋用當地當季食材製作嘅絕品料理，除咗有眼福可以欣賞美景，放鬆身心外，仲有口福可以品嚐美食。
酒店資訊
- 名稱：濱千鳥之湯 海舟 (浜千鳥の湯 海舟｜共立リゾート)
- 地址：〒649-2211 和歌山縣西牟婁郡白濱町1698-1
- 交通方式：東京站→[新幹線HIKARI號]約3小時→新大阪站→[JR特急]約2小時30分→JR白濱站→[由白濱溫泉旅館共同組合營運的免費接駁巴士（1天4班）]約45分。羽田機場→[飛機]約1小時25分→關西國際機場→[JR]約10分→JR日根野站→[JR特急]約2小時→JR白濱站→[由白濱溫泉旅館共同組合營運的免費接駁巴士（1天4班）]約45分。
- Wi-Fi：有
- 語言：僅限日文
- 信用卡：JCB卡、VISA卡、MasterCard萬事達卡、AMERICAN EXPRESS美國運通卡、UC、DC、NICOS、Diners Club International大來國際信用卡、UFJ、Saison、現金卡
3. 專船接駁！碧島之宿 熊野別邸 中之島
坐落於四面被大海環繞嘅神秘島嶼上嘅唯一一間酒店，「碧島之宿 熊野別邸 中之島」所有客房都面向大海，可以靜靜欣賞無敵海景。兩棟客房館其中一棟叫「凪之抄」，於2019年4月新開幕，入面客房內嘅露台，都設有露天浴池。
呢間旅館嘅特色之一，係擁有直接由溫泉源頭出來嘅豐富溫泉水。旅館有露天浴池、大浴池同包場式露天浴池，特別推薦可以喺眼前就望到海浪嘅露天溫泉浴池。喺海風同美景伴隨下，可以完全放鬆身心咁享受溫泉，相信會係一個好特別嘅回憶。入住這家飯店，從嚴選當地食材製作的美食到貼心細膩的服務，讓您從各方面忘記日常生活、享受優閒的時光。
飯店資訊
- 名稱：碧島之宿 熊野別邸 中之島（碧島之宿 熊野別邸 中之島）
- 地址：〒649-5334 和歌山縣東牟婁郡那智勝浦町大字勝浦1179-9
- 交通方式：東京站→[新幹線Nozomi號] 約1小時45分→名古屋站→[JR特急]約3小時45分→紀伊勝浦站→[步行] 約6分鐘→客船候船處→[接駁船] 約5分鐘。
- Wi-Fi：有
- 語言：英文
- 信用卡：可使用VISA、JCB、American Express、 UC、DC、NICOS、Master Card、現金卡
Comments