富山縣擁有傳統建築物林立嘅街景、富山城等知名景點，而且富山市與世界遺產五箇山、黑部峽谷等亦只相隔1～2小時車程，係一處非常推薦嘅觀光景點。本文將為您介紹可以徹底放鬆身心、消除旅行疲憊嘅3間推介富山酒店。
1. 富山東急卓越大飯店：所有客房皆配備Semi-Double尺寸以上雙人床！
「富山東急卓越大飯店」距離富山站僅需3分鐘步程，地理位置非常方便。除所有客房均備有Semi-Double尺寸(床寬約120〜140米)以上嘅雙人床以外，酒店亦設有女性專用客房。室內裝潢採用女性風格，並貼心提供女性專用嘅客房備品及臉部保養品。
晚餐時段，住客可以到酒店最高層嘅餐廳一邊欣賞富山市夜景，一邊品嚐主廚以精湛廚藝製作嘅料理。早餐時段，您則可以喺立山連峰美景中享用自助式早餐。自助式早餐唔單只有基本菜式，住客仲可以品嚐到「鱒壽司」等富山名物美食。從裝潢設計、美食料理到貼心服務，酒店保證各方面都可以讓您充分感受富山縣特色！
酒店資訊
- 名稱：富山東急卓越大飯店
- 地址：〒930-0002 富山縣富山市新富町1-2-3（CIC大樓）
- 交通方式：東京站→[新幹線]約2小時45分→富山站…步行3分鐘。羽田機場→[飛機]約1小時→富山機場→[利木津巴士]約25分→富山站…步行3分鐘。
- Wi-Fi：有
- 語言：英文
- 信用卡：可使用VISA、Master、AMEX、Diners、DC、UnionPay
2. APA飯店 富山：坐擁免費天然溫泉
「APA飯店 富山」併設天然溫泉設施「SPA・X」，每位住客都可以免費使用內裡嘅大浴場及露天溫泉。溫泉以外，所有客房亦有提供高級羽絨被，確保客人可以擁有最舒適嘅睡眠，治癒旅途疲勞！
酒店提供免費溫泉、舒適床鋪、健康早餐等多種貼心服務，保證可以令您嘅富山之旅更充實！更重要嘅係，要從酒店前往世界遺產白川鄉、黑部峽谷鐵道、立山黑部阿爾卑斯山脈路線（黑部水壩、雪之大谷）等觀光景點亦非常方便。
酒店資訊
- 名稱：APA飯店 富山
- 地址：〒930-0842 富山縣富山市窪新町6-1
- 交通方式：東京站→[新幹線]約2小時10分鐘→富山站…車程約5分鐘
- Wi-Fi：有
- 語言：僅限日文
- 信用卡：可以使用VISA、Mastercard、JCB、AMEX、Diners、UC、NICOS、UFJ、現金卡
3. 富山日航都市酒店：預計於2022年開業
預計於2022年開業嘅「富山日航都市酒店」距離JR富山站僅3分鐘步程，可謂富山觀光理想住宿地點。酒店內總共有250間客房，雙床雙人房面積為26～31平方米、雙人房面積則為21平方米，客房平均面積達25平方米，夠晒闊落！
然而，酒店路線並非提供各種服務嘅綜合型都市飯店，而係以住宿為主、提供全日制餐廳、酒吧及圖書室等滿足住宿旅客需求嘅設施。隨著酒店今後落成，富山縣又多一家可以令旅客於富山下榻期間享受到舒適住宿嘅酒店啦！
酒店資訊
- 名稱：富山日航城市飯店
- 地址：富山縣富山市寶町１丁目
- 交通方式：東京站→[新幹線]約2小時45分鐘→富山站…步行3分鐘。羽田機場→[飛機]約1小時→富山機場→[利木津巴士]約25分鐘→富山站…步行3分鐘。
Comments