新潟自由行3大推薦酒店

位於日本海沿岸嘅新潟縣內林立多家可以同時享受大海高原自然風景、適合自由行遊客入住嘅酒店。由於新潟縣盛產稻米及山珍海味，因此您仲可以趁旅行期間品嚐到各式當地美食𠻹！以下，就要為大家介紹適合新潟自由行嘅3間推薦酒店。

1. 高級奢華氛圍「新潟大倉酒店」

「新潟大倉飯店」位於日本國家重要文化財之一嘅信濃川「萬代橋」旁邊。客房裝潢豪華且氣氛寧靜，入住面向信濃川及萬代橋房間嘅客人，入夜後更可欣賞到萬代橋點燈及周圍夜景。

酒店內一共設有6家餐廳、酒吧以及品茶空間並提供多款季節性料理。自助早餐時段，您可以品嚐到主廚喺您面前即席炮製嘅奄列及使用當地食材製作成嘅沙津等料理。同場人氣菜式另外亦包括只有稻米盛產地先食得到嘅嚼勁十足米粉製麵包又或酒店自家製麵包等，突顯除貼心待客服務以外，酒店致力於每一細微處都做到務求令客人感受賓至如歸服務。

酒店資訊

• 名稱：新潟大倉酒店
• 地址：〒951-8053 新潟縣新潟市中央區川端町6-53
• 交通方式：東京站→[新幹線]約2小時10分鐘→新潟站→[巴士]約5分鐘、步行15分鐘。
• Wi-Fi：有
• 語言：英文
• 信用卡：可使用JCB、VISA、MASTER、AMEX、UC、DC、NICOS、Diners Club International、Saison

2. 全部客房都喺22樓以上！「新潟日航酒店」

「新潟日航酒店」外型宛如漂浮於信濃川上嘅一艘豪華客輪，係附屬於日本海側最高建築物內嘅酒店。酒店內所有客房均位於22樓以上，根據各房間嘅方位，住客可以欣賞到日本海夕陽、國家指定重要文化財「萬代橋」以及城市夜景等各異景色。

住客可於自助早餐時段享用到多款美食佳餚，例如係奄列、迎潟縣產越光米、又或新潟特產「片木盒蕎麥麵」(へぎそば)等料理都屬必食推介。入住酒店期間，最好就係趁機會忘卻繁忙日常生活中，透過酒店各方面優質服務盡情放鬆身心啦！

酒店資訊

• 名稱：新潟日航酒店
• 地址：〒950-0078 新潟縣新潟市中央區萬代島5番1號
• 交通方式：東京站→[新幹線]約2小時10分鐘→新潟站→[免費接駁車]約10分鐘，或步行15分鐘。
• Wi-Fi：有
• 語言：英文
• 信用卡：可使用JCB、VISA、MASTER、AMEX、UC、DC、Diners Club International、銀聯卡

3. 鄰近新潟縣商業區：「APA飯店 新潟」

2019年8月開幕嘅「APA飯店 新潟」距離新潟站只有3分鐘步程，新潟熱鬧商業區「萬代城」亦於徒步範圍內，加上附近林立多家餐廳及便利店，無論係覓食定購物都超超級方便！

酒店所有房間都已配備由品牌開發嘅原創床墊，並提供高級羽絨被，為住客帶來優質睡眠以及治癒長途旅行之後疲憊身體。每間客房仲配有50吋大型液晶電視，住客可以透過電視使用「Video on Demand 隨選視訊」服務，超過162部電影任您睇到夠（每晚1,000日圓）！

酒店資訊

• 名稱：APA飯店 新潟
• 地址：〒950-0087 新潟縣新潟市中央區東大通2-1-21
• 交通方式：東京→[新幹線]約2小時10分鐘→新潟站…步行約3分鐘。
• Wi-Fi：有
• 語言：僅限日文
• 信用卡：可使用JCB、VISA、MasterCard、DC、UFJ、NICOS、AMEX、Diners Club International、現金卡、UC