榮獲≪米芝蓮日本綠色指南≫一星殊榮！話題景點「岡山賴久寺」完整介紹！

位處岡山縣高梁市嘅賴久寺內由於有一座被指定為日本國家指定名勝嘅庭園，因此聲名大噪，與岡山後樂園、津山眾樂園並列為岡山三大庭園，更摘下米芝蓮日本綠色指南一星評價，一躍成為熱門談論話題！本文將為您介紹賴久寺庭園，並完整介紹其精彩必睇之處！

關於賴久寺

賴久寺屬於臨濟宗永源寺派門下，雖然已無法探究寺廟最初幾時建成，但據講係由活躍於鎌倉後期至南北朝嘅武將—足利尊氏於曆應2年（西元1339年）重建。

寺院最值得欣賞嘅一大特色，就係內裡嘅庭園。於江戶初期建成嘅蓬萊式枯山水庭園，可謂足以代表日本嘅名園。於江戶初期建造完成、並表現出桃山時代後期建築特徵嘅庭園完整保留至今，而擔任設計建造嘅，就係江戶幕府著名茶人（精通茶道嘅名人）「小堀遠州」。據講呢座庭園就係小堀遠州嘅發跡淵源地。

建築師以借景手法，利用愛宕山融入庭園嘅一部分，於細白砂地中央設置鶴島、後方則設置龜島，由兩座高度較低嘅築山形狀島嶼將石頭排列組合而成。鶴島係一顆尖銳直立嘅石頭，表現出鶴立中州優雅姿態；而周圍樹叢就被修剪成優雅曲線，比擬成白鶴翅膀，景觀屬庭園必睇重點之一。

龜島則分成兩部分，分別為烏龜頭「龜頭石」與烏龜龜殼「龜殼石」兩塊石頭，因角度而異，望上去就似同一塊石頭。

第二個必睇重點係皋月杜鵑嘅龐大花叢。皋月杜鵑叢被修剪設計成有如一波一波席捲而來嘅巨大海浪，因此有「青海浪」之稱。當您將視線焦點放於皋月杜鵑後方的話，更可以睇見被修剪成直線嘅山茶花樹叢，由兩者打造出完美視覺對比。除此之外，地上細沙亦被繪製成水波紋路，用以象徵海洋。

由於客廳及居家住所走廊互相交疊，因此依照唔同欣賞角度，您欣賞到嘅庭園風光亦會有差異。庭園整地佔地約200坪，雖然面積上與其他庭園相對較為小巧，但鶴島、龜島、以及水波紋路嘅細沙等構成日式庭園嘅要素眾多，絕對值得一睇！

要前往岡山縣高梁市，從東京或大阪可以乘搭新幹線即可。

乘搭JR東海道新幹線希望號，車程約3小時20分鐘於岡山站下車之後，轉乘JR伯備線往出雲方向「特急八雲」電車約35分鐘，即可抵達備中高梁站。

乘搭JR山陽新幹線希望號，車程約45分鐘於岡山站下車之後，採取與上述方式相同轉乘方式，再從備中高梁站徒步約15分鐘。