島根縣「出雲大社」係著名結緣聖地。2019年，歷時11年嘅「平成大遷宮」工程完工，完成修繕神社本殿連同境內重要社殿煥然一新，因而成為熱門話題。本文章會為大家介紹日本數一數二嘅能量景點「出雲大社」必睇特色位以及觀光路線推薦。神社區域佔地廣闊，社內有超級多值得一去嘅景點，睇完本篇推薦路線文章介紹，相信一定可以幫到你更有效率地玩盡島根縣「出雲大社」！
出雲大社小檔案
出雲大社係一座供奉著結緣神「大國主大神」(だいこくさま)嘅古老寺廟。出雲大社嘅由來據聞係出於「大國主大神」將國家承讓予掌管天界嘅神「天照大御神」之時，提出建造宮殿作為交換條件而來。於本殿祭祀嘅「大國主大神」係「掌管著人世間命運和緣分等無形事物嘅神明」，從男女之間姻緣到工作及各種良緣都非常靈驗，因此出雲大社就作為「結緣之神」而廣為人知。神樂殿內更係放有日本最大嘅巨型「注連繩」，作為界定神聖領域與世俗領域嘅象徵，令人歎為觀止。
最完美觀光攻略！出雲大社建議參拜路線大公開
去到出雲大社，如果想把握機會祈求利益及良緣嘅話，建議按照正確參拜順序。以下就為大家介紹建議參拜路線。
1. 勢溜大鳥居
首先，要介紹嘅參拜起點係位於「勢溜」(せいだまり, Seidamari) 嘅木製鳥居「勢溜大鳥居」，亦即係出雲大社四個鳥居中嘅第二個鳥居。
當你要穿過鳥居嘅時候，記得停一停低腳步，向神明鞠躬敬禮啊！
2. 手水舍
進入神社中央區域之前，請先潔淨身心，用「手水舍」中設有嘅淨手池水洗淨雙手、漱口，潔淨身心去除汙穢後再以純淨嘅心靈去參拜神明。
3. 銅製鳥居
繼續向前行，您就會進入神社境內中央區域、遇見位於正門前面嘅第四座鳥居「銅製鳥居」。鳥居由長州藩第二代藩主毛利綱廣所捐獻，現時已被指定為日本國家重要文化財。
4. 御本殿
御本殿位於樓門後方、被稱為「玉垣」嘅木柵欄所環繞，亦係大國主大神居住嘅地方。
御本殿約高約24米，係日本最大規模嘅本殿建築，氣勢非凡。現今嘅神社建築始建於1774年，於第四次遷宮時曾經進行翻新。由於御本殿一般唔會開放畀民眾入內參觀，所以遊客只可以喺八足門範圍前向神明祈禱。
5. 素鵞社
守護著大國主大神嘅「素鵞社」後方就係著名能量景點「八雲山」。參拜神社時，記得要以逆時針方向前進！
6. 神樂殿
神樂殿
神樂殿
用於舉辦婚禮等儀式嘅神社建築。「大廣間」面積為270張榻榻米（437.4平方米），建築物正面嘅巨大草繩「注連繩」重約4.4公噸、長13米、寬8米。垂釣喺注連繩下方嘅白紙日文中被稱為「紙垂」（しで，Shide），屬神聖領域象徵。
於出雲大社買開運御守
由出雲大社門前沿路延伸出去嘅「神門通」參道商店街上，您可以見到多間販售結緣御守等物品嘅店家。由出雲大社到「神門通」參道商店街入口，只需步行大約10分鐘左右，記得喺「神門通」搵下有咩紀念品、手信可以帶返屋企喇！
出雲大社所「神迎祭」
農曆十月係日本全國「八百萬尊神明」聚集喺出雲大社嘅月份，屆時稻佐濱海濱會舉行「神迎神事」，而「神迎祭」則會喺神樂殿舉行。部分祭神儀式內容並唔會開放畀一般觀光客參觀。另外要注意嘅係，遊客喺未經同意下禁止隨意拍攝或妨礙儀式進行。
前往出雲大社嘅交通方式
您可以先由東京站乘搭新幹線到JR出雲市站，再轉搭「出雲大社・日之崎・宇龍」方向嘅一畑巴士，約25分鐘左右就可以抵達。您亦可以選擇搭喺夜間行駛嘅寢台列車「日出出雲號」(サンライズ出雲)前往JR出雲市站。
由關西地區出發嘅話，可以喺新大阪站或京都站乘搭新幹線。
搭飛機嘅話，出雲緣結機場每日會有5個航班飛往出雲，飛行時間約80分鐘。搭機場巴士約25分鐘可以去到JR出雲市站。大阪（伊丹）機場每日會有5個航班前往出雲，飛行時間約50分鐘。
關於神社
- 建立年…不明
- 神社…大國主大神
- 祭典…大御饌祭／1月1日、節分祭／2月3日、例祭二之祭／5月15日、出雲大社教大祭／8月5日～8日等等
景點資訊
- 名稱：出雲大社
- 地址：〒699-0701島根縣出雲市大社町杵築東195
- 語言：有提供英文版導覽手冊
- 票價：免費
- 休息日：全年無休
- 參拜開放時間：6:00～20:00
Comments