岡山縣高梁市山村內有一間名為「元仲田邸藏屋敷」、將自古以來經營嘅酒倉改建而成嘅住宿設施，最近據聞有好多台灣或法國等地嘅外國遊客爭相到訪！您又有無興趣試試喺充滿和風嘅日本民宅內瞓返一晚、體驗一下古色古香日本風味呢？
關於「元仲田邸藏屋敷」
「元仲田邸藏屋敷」由明治中期建築「元仲田邸」改建而成，並繼承著江戶時期村長家宅傳統，係一間由當時經營茶屋（数寄屋）風格「長屋門（日本傳統大門形式之一）」以及釀酒產業當時，由多被用作釀造倉庫等土藏（外牆塗上一層厚厚泥土或石灰嘅倉庫）演變而成嘅傳統村長家宅。歷史於建築平成4年（1992年) 被第七代主人仲田俊郎捐贈予高梁市。現時酒倉就作為住宿設施、而主屋則作為會議場地向公眾開放，同時亦係一場能夠舉辦小型演唱會嘅場地。
注目①展示出眾多生活用品及書畫嘅資料館
入口旁嘅酒倉內設有資料館，裡頭展出咗當時嘅玩具、帽、計數機以及算盤等居家生活用具，亦有掛軸、舊照片等讓遊客窺探昔日居民生活光景。最重要係無論所有展品都係仲田家當時實際用過嘅物品，極具實真生活感！
注目②於圍爐裏旁品嘗親手製作家常菜、享受日本古早風味
住宿設施會於晚餐時段提供鄉土料理懷石套餐，各位可以圍坐於圍爐裏慢慢品嘗。各款料理都選用當地食材製作，例如「燉煮蔬菜黑蒟蒻」、「茶蕎麥」、「茶碗蒸」、「蔬菜天婦羅」、「雞肉鍋」（菜式依營業日而異）等眾多古早美味料理。您亦可以有機會享用到「宇治櫻」等當地美酒（需額外付費）。
早餐會場則設於主屋大客廳。住客可以好好享受傳統日本家庭經典早餐，例如係鬆軟滑嫩嘅玉子燒、熱騰騰白飯以及味噌湯等各款樸素簡單嘅料理。
注目③入住設有榻榻米、日式拉門、隔扇嘅和室房間
客房房型分為兩種，分別為於榻榻米上鋪上棉被就寢嘅和室，以及係放有床鋪與梳化嘅西式房間。想要體驗日本風味住宿的話，一於就選擇和室啦！房間內處處都係充滿經典日本風格嘅格局，例如係掛軸壁龕（床の間）、收放棉被嘅壁櫥，以及紙糊日式拉門、拉窗和室房間，不過房間數量有限（和室5間、西式房間3間），想預約就要趁早！
景點資訊
- 名稱：元仲田邸藏屋敷
- 地址： 〒719-2232 岡山縣高梁市宇治町宇治1757番地
- 交通方式：JR備中高梁站乘搭的士約40分鐘
- 住宿費用：單純住宿不附餐 1人3000日圓（含稅）、附兩餐的住宿方案１人6500日圓（未含稅）～（西式房間與和室房間），餐飲費用 鄉土懷石3000日圓（未含稅）～、松花堂便當1500円（未含稅）～、早餐500日圓（未含稅）。※須事前預約
- 定休日：週一、新年假期
Comments