十和田市現代美術館：收藏眾多世界知名藝術家作品

位於青森縣十和田市嘅「十和田市現代美術館」，展出日本藝術家草間彌生同澳洲藝術Ron Mueck等世界級藝術家嘅作品。喺呢度可以欣賞雕塑、影像同壁畫等各式各樣嘅作品。

關於十和田市現代美術館

十和田市現代美術館於2008年開館，室內及戶外嘅常設展示空間展出來自世界各地33位藝術家、總共38件嘅作品。（截至2019年9月資訊）

呢啲都係常設展覽，有好多都只能喺十和田市現代美術館先睇得到。而特別展覽亦有展出唔同藝術家同唔同主題嘅作品。另外，喺美術館咖啡店，可以品嚐到使用青森縣當地食材製作嘅料理同甜品。

十和田市現代美術館的特色

十和田藝術中心有好多特色之處，以下係小編推薦必睇嘅作品。

日本建築師「西澤立衛」所設計的個性建築物

十和田市現代美術館建築嘅特徵係由獨立分開、大大小小不同嘅展覽室所構成，呢個隔間構成係以美術館所在嘅「官廳街通」上，廣場同建築物交錯嘅樣貌作為原型而設計。

另外，展覽室嘅玻璃好大，可以由出面望到入去室內嘅展品，呈現充滿開放感嘅空間，有好多類似呢種其他美術館睇唔到、獨一無二嘅特色之處。

可以欣賞獨特藝術品的常設展覽

美術館室內同戶外嘅常設展覽中，都可以欣賞眾多藝術家嘅作品。

室內作品例如「站立的女人」，係澳洲藝術Ron Mueck嘅巨大雕塑作品。呢個女性雕像高4米，逼真度同尺寸令人感到震撼！另外，比利時藝術家Hans Op de Beeck嘅作品「位置(５)」，係一個舞台裝置，模仿夜間高速公路旁嘅全景餐廳，使用立體透視模型做成立體景觀雕刻，令人產生高速公路似乎不斷延伸至遠處嘅錯覺。

戶外亦有展示作品。例如韓國藝術家崔正化五彩繽紛、5.5杯高嘅「花馬」。仲有小野洋子嘅作品「願望樹」，參觀者可以寫有願望嘅細長紙條掛喺樹上。

藝術廣場同街道家具

戶外展場亦有展示十和田市現代美術館嘅收藏品。美術館對面嘅「藝術廣場」有好多精彩嘅作品。草間彌生嘅雕塑作品，例如帶有鮮豔圓點嘅南瓜、少女、蘑菇等等。仲有來自德國藝術團隊Inges Idee嘅巨型雕塑作品等等。

另外，「官廳街通」上有啲兼具休憩功能嘅作品，例如枕頭形或大大舊雲嘅板凳等等。

十和田市現代美術館貫徹「將整個官廳街通變成一個美術館」嘅概念，等遊客可以喺呢個地區一邊散步一邊欣賞作品。

十和田市現代美術館的開館時間及入場票價

十和田市現代美術館嘅開放時間為9:00至17:00，最後入場為16:30。逢星期一休館，如遇日本公眾假期則照常開館，延至隔日休館。另外，日本新年假期、活動舉行期間同館內維護期間會臨時休館，出發前請上官方網站確認最新消息。

門票為成人1,200日圓，票價包含常設展覽同特別展覽。喺無舉辦特展嘅情況下，常設展票價為520日圓。(截至2019年10月資訊)

十和田市現代美術館的交通方式

去十和田市現代美術館嘅方法有幾種，其中以喺東北新幹線「七戶十和田站」搭當地巴士比較方便。喺七戶十和田站南口外嘅1號巴士站搭「十和田觀光電鐵巴士」，車程約35分鐘就會到「十和田市現代美術館前」巴士站。

景點資訊

• 名稱：十和田市現代美術館

• 地址：〒034-0082 青森縣十和田市西二番町10-9
• 交通方式：七戶十和田站→[十和田觀光電鐵巴士]約35分鐘→「十和田市現代美術館前」巴士站下車步行即達
• Wi-Fi：有（TowadaCity_Free_Wi-Fi）
• 語言：英文
• 購票方式：現場售票處
• 信用卡：不可使用