青森縣立美術館收藏眾多青森本土藝術家作品

青森縣立美術館位於青森市，建築風格獨特，館內收藏並展示青森本土及海外著名藝術家嘅作品，又有戶外大型裝置藝術品，作品類型廣泛，非常有睇頭！

有關青森縣立美術館

青森縣立美術館於2006年開館，分為地下2層及地上2層，一共4層樓。館內收藏嘅美術作品多元化，包括日本畫、西洋畫、當代藝術等類型。廣泛嘅作品類型相繼於常設展中展出，常設展內容每年約更換4次。另外，每年仲會舉辦幾場唔同主題嘅特別展覽。

美術館內咗藝術品展覽室，仲附設咗劇場用嚟播放電影同上演戲劇。另外，仲有販售各式周邊商品同藝術相關書籍嘅「美術館商店」，同埋提供嚐以青森縣食材製作料理同甜品嘅「四隻貓」咖啡店。

青森縣立美術館嘅作品非常精彩出色，以下為大家介紹其中幾個必睇嘅特別之處。

青森縣立美術館的設計靈感來自「三内丸山遺跡」的發掘現場，該遺跡就在青森縣立美術館附近，是一座距今約5,900到4,200年前的聚落遺跡。宛如在發掘現場所見的壕溝，以幾何挖掘美術館地面，孕生出美術館室內、室外的空間設計。在展覽室中裸露出土牆以及地面，所創造出的珍貴空間是一般美術館中難得一見。

喺青森縣立美術館可以欣賞到好多青森當地著名藝術家嘅作品，例如有版畫家家棟方志功嘅作品，主要展示強烈風格嘅木刻版畫，仲有其他油畫同日本畫等各種作品。

另外，館內珍藏眾多藝術家奈良美智嘅作品，其創作獲得世界性高度讚譽。主要作品包含目光充滿挑釁嘅小女孩為主題而繪製嘅代表性畫作，仲有眾多立體作品同素描作品等，館內一共收藏咗超過170件奈良美智嘅作品。

美術館仲收藏咗夏卡爾（Marc Chagall）、康丁斯基（Wassily Kandinsky）、林布蘭（Rembrandt）同畢加索（Picasso）等眾多世界知名藝術家嘅作品。

其中最推薦你去欣賞嘅作品就係20世紀代表性藝術家——夏卡爾為芭蕾舞《Aleko》所繪，完整展現嘅四幕舞台佈景。高9米、寬15米嘅龐大作品，魄力十足、用色豐富，睇到人入哂迷！

美術館外仲展示咗奈良美智嘅立體創作藝術品，都係唔可以錯過！首先介紹嘅係「青森犬」，高約8.5米嘅純白大狗立體雕像，其巨大展現壓倒性魄力！

另外，「Miss Forest / 森之子」係一尊高約6米嘅銅像。臉上表情帶著淺淺微笑，令人印象深刻。呢個雕像擺放於美術館南側戶外嘅展示空間「八角堂」。

青森縣立美術館嘅開館時間因季節而異。10月1日至5月31日開館時間為9:30到17:00、6月1日至9月30日為9:00到18:00。最後入場時間均為閉館前30分鐘。每個月第二及第四個星期一休館。如遇日本公眾假期，則順延至隔日休館。另外，日本新年假期同展品更換期間都會休館。

美術館門票為成人一人510日圓。特別展覽需要另外購票。（截至2019年9月資訊）

去青森縣立美術館有多種交通方法，從JR青森站搭巴士最方便。從青森站6號巴士站搭前往「三内丸山遺跡」方向嘅「青森市營巴士」，到距離美術館最近嘅巴士站「縣立美術館前」車程約20分鐘。

景點資訊