倉敷長春藤廣場：紅磚外牆複合觀光設施

倉敷常春藤廣場係一座將紡織工廠重新規劃開發而誕生嘅複合觀光設施，其紅磚牆外觀設計與攀緣覆蓋至整片紅牆上嘅茂盛生長長春藤，形成強烈對比視覺對比令人留下深刻印象。設施內集結酒店、餐廳、商店以及陶藝體驗工坊等眾多設施與服務，可謂岡山之旅必到景點之一！

關於倉敷長春藤廣場

倉敷長春藤廣場將1889年建成嘅舊倉敷紡織所總社工廠重新規劃利用，盡可能保留原有外觀與原本生長在此嘅樹木，其後於2007年被認定為「近代化產業遺產」並於2017年被列為「日本遺產」，係一個能夠回顧並了解日本產業歷史嘅珍貴重要景點。

倉敷長春藤廣場內擁有多個充滿特色嘅設施以及值得欣賞嘅看點。本文將為大家介紹推薦景點及玩法，保證大家下次嚟到長春藤廣場時能夠玩得盡興！

嚟到倉敷長春藤廣場，又點可以錯過了解紡織工廠歷史嘅景點呢？

舉個例，蔓延覆蓋整面紅磚牆嘅長春藤，就係當初為調節紡織工廠內部溫度而種植嘅。春天到夏天期間綻放鮮綠姿態、秋天時染上一片紅、冬天時則由凋零枯葉譜上整面咖啡色，因季節變換而打造出截然不同嘅景色。

可以從內部欣賞到如鋸刃形狀鋸齒狀屋頂嘅「餐廳蔦」，以及由原綿倉庫改裝、展覽出多款照片、模型、文件以及畫作向後人述說倉敷紡織所歷史嘅「倉紡紀念館」，都係千萬不容錯過嘅好玩景點！

倉敷長春藤廣場內設有餐廳與酒吧，為遊客提供一個舒適美好嘅用餐環境。

「餐廳蔦」使用瀨戶內海捕獲嘅海鮮以及當季食材精心烹調出多款西式與日式菜式，遊客從早到晚都可以於餐廳內用餐。當中尤其推薦自助式早餐，除咗有口味種類豐富嘅日式與西式料理之外，您更可以品嘗到由岡山縣代表性白米「朝日米」炊煮嘅白飯、以及岡山鄉土料理「醋漬青鱗魚（ままかり）」等各式地道美食。

廣場內另有一間名為「Public BAR 紅磚瓦」嘅酒吧，以酒桶為概念設計嘅拱型天花板係一大特色。於沉穩優雅嘅環境中細細品嘗一杯美酒，度過美好夜晚亦不失為一個旅遊放鬆好選擇吖！

嚟到倉敷長春藤廣場，當然仲要去埋手信舖掃貨啦！廣場內多間商店都有販賣倉敷著名零食以及種類繽紛嘅工藝品・民俗藝術品，提供多款土產供各位選購。

商店陳列商品種類豐富，例如食品類就有各式零食、當地美酒、葡萄酒等，其中特別推薦岡山經典土產「吉備糰子」、由「水果王國」岡山出產水果製成嘅果醬及布甸等。

倉敷出產嘅生活雜貨種類亦不遑多讓，例如優質「倉敷帆布」手袋、手工編織「倉敷緞通」布製品等商品，都非常適合日常生活使用。

倉敷長春藤廣場營業時間與定休日因設施而異，另外部分設施需付費入場或體驗。

「倉紡紀念館」營業時間為早上9時至下午5時，最終入場時間為下午4時45分，入場門票票價為成人300日圓。關於其他設施嘅相關資訊，請上官方網站確認。（截至2019年10月資訊）

JR倉敷站係最靠近倉敷長春藤廣場嘅車站。從新幹線停靠嘅「JR岡山站」乘搭JR電車約20分鐘，於倉敷站落車後穿過商店街與倉敷美觀地區，徒步約15分鐘即可抵達倉敷長春藤廣場。