東京迪士尼度假區®為期52日嘅「迪士尼萬聖節」活動，已經喺9月10日（二）開始咗，將會舉辦到萬聖節夜，即係至10月31日（四）。活動期間，東京迪士尼海洋®同東京迪士尼樂園®嘅園區內，會有節日相應嘅裝飾，除咗裝飾之外，仲推出咗約60款期間限定嘅萬聖節紀念品，完全想令大家買到手軟。
東京迪士尼海洋®「暗黑魅惑萬聖節」
今年嘅東京迪士尼海洋®主題為「暗黑魅惑萬聖節」，從入口開始，就可以感受到各種華麗但詭譎嘅節日氣氛。地中海港灣、美國海濱港等地，全部都換成同萬聖節相關嘅裝飾。地中海港灣用咗暗色系嘅園區裝飾，展現十足萬聖節氣氛。美國海濱嘅港岸公園就有萬聖節迪士尼明星嘅拍照景點，邀請遊客一齊參加邪惡力量潛伏嘅萬聖節慶典。
「詭祕盛典」地中海港灣全新表演節目
當黑暗勢力靜雞雞咁入侵歡樂開心嘅東京迪士尼海洋®，樂園會變成點樣呢？呢個全新嘅表演，主要講述海魔女化身成為美女，嚟到海港小鎮，試圖要舉辦慶典令邪惡魔王重生，米奇同其他明星亦被捲入事件之中。最後，迪士尼明星能唔能夠阻止魔王復活？就等您親臨現場，一探究竟囉。
歡迎蒞臨幽靈揸FIT嘅東京迪士尼樂園®
今年東京迪士尼樂園®嘅主題係「幽靈當家的東京迪士尼樂園」，遊客一入樂園，就可以感受到詭異又趣怪嘅萬聖節世界。由2019年9月9日（一）至2020年1月5日（日），遊樂設施—幽靈公館亦會換上特別嘅主題裝修，令遊客進入《The Nightmare Before Christmas》嘅世界。
Boo！幽靈怪誕大遊行
在Boo！幽靈怪誕大遊行中登場嘅遊行花車，分別會展出園內「幽靈當家」嘅遊樂設施同埋主題區域，好似係由骷髏駕駛嘅「西部沿河鐵路」、小動物幽靈附身喺南瓜上面嘅「動物天地」，仲有放滿墓碑嘅「灰姑娘城堡」等，會以花車形式登場。米奇同米妮亦都會換上萬聖節服飾，同遊客一齊玩。
萬聖節限定周邊商品
萬聖節活動期間，東京迪士尼海洋®同東京迪士尼樂園®，除咗換上萬聖節服裝嘅迪士尼明星玩偶等商品之外，仲有兩園區限定嘅獨家商品。東京迪士尼海洋®嘅商品設計靈感係「詭祕盛典」，推出斗篷、蜘蛛網手套等配件，暗色系嘅商品更加有萬聖節氣氛。至於東京迪士尼樂園®推出嘅幽靈新娘風造型髮箍，飄揚嘅頭紗設計同一般嘅造型髮箍好唔同，仲未開賣先就已經喺網路引起話題。
東京迪士尼樂園®身穿Boo！幽靈怪誕大遊行服裝的玩偶胸針，除了奇奇蒂蒂之外 各1,900日圓，奇奇蒂蒂一組2,900日圓販售
東京迪士尼海洋®身穿詭祕盛典服裝的玩偶胸針各1,900日圓
左為造型髮箍 1,800円/右為斗篷2,500円
萬聖節限定美食也絕不能錯過
配合萬聖節活動，東京迪士尼度假區®亦都推出一系列嘅萬聖節主題餐飲，畀遊客盡情享受萬聖節氣氛。一直相當受歡迎嘅小型糖果罐亦推出萬聖節版本。各為850円。
東京迪士尼海洋®推出「萬聖節版照燒雞泳圈包」（600円），外皮呈現紫色，上面仲有蝙蝠圖案，裡面係照燒雞餡；「萬聖節木乃伊雞肉蔬菜包」（600円）就係蔬菜包外表變成做幽靈木乃伊！另外，喺迪士尼大使大飯店，仲有米妮驚嚇造型麵包（1,000円）。除此之外，整個度假區都仲有好多唔同款色嘅萬聖節飲品同埋甜品，充滿咗萬聖節氣氛。
※商品及餐點內容可能會變更或出現售罄情況
Comments