日本十和田湖係由火山活動而形成嘅火山口湖，湖面平靜，湖畔被綠樹圍繞，湖景非常美麗。呢度有湖畔步道、觀光船、觀景台同露營場等，有唔少觀光活動可以進行。而家就等我哋為你介紹一下十和田湖嘅四季美景啦。
日本十和田湖小檔案
十和田湖橫跨青森縣同秋田縣，由大約2,000年前嘅火山活動而形成。由坑漥地內部逐漸積水而形成，係一個典型嘅雙火山口湖。海拔400米、湖周長46公里，最深處有326.8米，面積排名為全日本第12位，深度更係日本排名第3，係一個擁有美麗藍色湖景嘅神秘湖泊。
十和田湖的特色
十和田湖四季美景變化鮮明。春夏可以睇到新綠、秋季有紅葉、冬季則有夢幻嘅雪景，一場嚟到，推薦你去搭遊覽船嚟慢慢欣賞十和田湖嘅美景！
十和田湖秋天的紅葉
紅葉季從10月上旬開始，最佳觀賞時間係10月中旬至10月下旬。靛藍色嘅湖水，配上秋天嘅紅葉，顏色漸層變化非常靚！呢個時候就推薦你喺觀景台上眺望一大片壯麗風景。
十和田湖冬天的雪祭
每年2月會舉行「十和田湖冬季物語」雪祭活動，遊客可以欣賞煙花同夜間點燈。點燈後加上雪景非常夢幻。另外仲有其他有趣雪地活動，吸引唔少人嚟參觀前來參加㗎。
坐「十和田湖遊覽船」悠遊享受十和田湖景色
十和田湖有載客遊湖一周嘅「十和田湖遊覧船」，共有兩條周遊路線，每30分鐘至1個鐘一班船。全程約需50分鐘。船票為成人1,430日圓、兒童720日圓。營業時間為上午8點至下午4點半（每年11月中旬至隔年4月中旬暫停服務）。
景點資訊
- 名稱：十和田湖遊覧船
- 地址：青森縣十和田市奥瀬十和田湖畔休屋486
- 交通方式：東京站→[新幹線]→新青森站→[JR]約5分鐘→青森站→[巴士]約3小時→十和田湖…步行約15分鐘
- Wi-Fi : 有
- 語言：僅限日文
- 購票方式：現場窗口、網路購票
- 信用卡：不可使用
入住能夠欣賞十和田湖美景的酒店
大家可以入住十和田湖附近酒店或旅館，好好欣賞呢度嘅自然景觀同享受寧靜嘅環境。十和田湖嘅住宿設施主要分佈喺十和田湖嘅主要觀光景點同秋田縣交界處一帶，有溫泉旅館同度假酒店。特別喺傍晚同清晨嘅十和田湖景色非常靚！推薦你喺度住返一晚，一邊浸溫泉，一邊欣賞美景！
去十和田湖的交通方式
從東京出發去十和田湖，首先喺東京站搭新幹線（約3小時20分鐘）到新青森站，轉搭JR電車，約5分鐘後喺青森站落車。從青森站搭開往十和田湖嘅JR巴士，車程約3個鐘，喺終點站落車。
Comments