群馬縣據點──新幹線樞紐大站「高崎車站」嘅周邊酒店 2大推介

如果想要搵群馬縣嘅酒店，推薦選擇位於新幹線JR高崎站周邊嘅酒店。今次會介紹高崎站附近酒店及旅館嘅特色，以及兩間嚴選酒店。

JR高崎站周邊酒店

JR高崎站附近有好多經濟型酒店。價格根據住宿方案而異，最低每晚約4,000日圓。雖然係經濟型酒店，但酒店內設施係非常完善，有餐廳、溫泉或大浴池等等。

JR高崎站附近有好多間酒店，今次精選2間酒店介紹畀大家。

高崎大都會酒店直接銜接JR高崎站，地理位置優越。一行入酒店就可以聽到鋼琴聲迴盪於裝潢風格沉穩嘅酒店大廳中。

客房類型一共有11種，包括經濟房、標準房、豪華房、特別房。當中仲會有獨特風格設計嘅客房類型。

例如，以傳統工藝品「高崎達摩翁」(高崎だるま)為靈感而設計嘅房間，以鮮豔嘅紅色作為室內裝飾。另外，以群馬蒸汽火車「D51 498」為概念設計嘅獨特房間亦別有一番滋味。

除咗客房，自助式早餐亦非常熱門。以群馬縣嘅地道食材去製作各式各樣嘅西式及日式料理。唔止有新鮮蔬菜、燉煮料理和酒店原創咖哩，仲有近來備受矚目嘅健康、不含麩質嘅蒟蒻料理等等。

高崎可可大酒店是一間可以令人體驗無與倫比的舒適感嘅酒店，距離JR高崎站東口只需步行3分鐘即可抵達，地理位置非常方便。一行入酒店大廳，感受到由水與綠色植物，加上柔和光線所營造出嘅溫暖空間已經相當療癒。

酒店房型有西式房間和和室兩種。所有客房都採用自然風格嘅室內裝飾。西式房間別緻、和室空間明亮。另外，酒店仲有設置按摩椅，令你可以徹底放鬆。

另外，自助式早餐亦一定唔可以錯過。利用當地食材製作出豐富嘅西式、日式和中式創作料理。以精美小碟子盛裝嘅前菜和甜品一字排開，色彩繽紛，同時滿足你嘅視覺及味覺。

酒店還有附設大浴池和露天溫泉浴池嘅水療中心。喺水療中心裡面，女性可以使用岩盤浴，男性可以使用桑拿室。另外，喺露天溫泉仲可以欣賞到高崎夜景，享受眼前夢幻嘅景象。