新潟縣湯澤町酒店點揀好？為您推薦2大設施齊全度假酒店！

如果您正物色梗新潟縣湯澤町內嘅酒店，編輯部建議您可以考慮從JR越後湯澤站出發交通方便嘅住宿，事關附近有多間配備滑雪場、溫泉等設施嘅優質選擇！本文將為大家介紹湯澤町酒店嘅特色以及2大推介精選酒店。

湯澤町酒店及旅館

湯澤町嘅酒店及旅館大多集中於JR越後湯澤站周邊。多家酒店唔只提供單純住宿服務，而且更擁有多元化完善設施。由於湯澤地區內有多個溫泉泉源湧出（統稱為越後湯澤溫泉），因此好多旅館都會附設溫泉設施𠻹！

湯澤町內嘅酒店及旅館平均每晚價格約為1萬到3萬日圓。（截至2019年9月資訊）

以下將為大家介紹從多間酒店中精選出嘅2家酒店。

「苗場王子大飯店」係一座位於苗場滑雪場中心嘅度假酒店。酒店大約有1,200間客房，住宿可於範圍內享受各式各樣度假活動。

酒店只設西洋式房間，惟房間設計就從簡潔標準房型、到以溫暖山中小木屋為主題嘅「暖ROOM」，以及充滿遊戲玩味嘅「遊ROOM」等特別房型都有。其中「暖ROOM」內就放有吊床及吊扇等設備，營造出度假勝地氣氛。

當然，除「暖ROOM」以外嘅各個房型都各有特色。身處面向河川、滑雪練習場嘅房間，您即可透過開揚感十足嘅大窗戶眺望窗外苗場絕景以及滑雪場內練習嘅遊客。要留意嘅係，房型提供依營業時期會有所不同。

酒店內設有各種餐飲設施，當中又以自助式餐廳及日本料理餐廳特別值得注目。住客可以喺餐廳內品嚐到使用新潟當地食材製作嘅各種料理，由於餐廳營業時間因季節而異，所以出發前記得上官網查清楚先啊！

位於「苗場王子大飯店」前方嘅苗場滑雪場，係一個冬季可以享受滑雪樂趣嘅好去處。夏季期間遊客則可以到「苗場夏季公園」，體驗汽車露營、健行及野外求生等豐富多元嘅戶外活動。

您亦可以乘搭總長5481米、日本最長嘅「苗場飛龍纜車」體驗美景空中漫步之旅。春天新綠、秋天紅葉輪流交替，如此可以盡情享受壯麗自然美景嘅黃金機會，您又點可以錯過呢？

「苗場王子大飯店」嘅特色實在係數之不盡！酒店內設有溫泉、商店、體育用品店及按摩等各種設施，非常適合各位留下旅行美好回憶！（酒店設施營業時間因季節而異）

「NASPA新大谷飯店」係一家環抱越後湯澤大自然美景嘅度假村酒店，您可以從酒店內外一覽越後湯澤四季美景。另外，酒店亦設有「通用設計」無障礙空間，貼心照顧有需要嘅客人。

酒店房型分為和室及西式2種，所有房間都採光充足而且充滿開放感。即使係最精簡嘅房間，面積亦闊達37平方米，保證住客可以於寬敞空間內好好放鬆！

「NASPA新大谷飯店」內嘅餐廳及酒吧非常講究食物質素，料理款式涵蓋日本料理、西洋料理及甜品等多款選擇，而且所有餐廳都有提供由當地食材製成嘅菜式，並以會席、鐵板燒、套餐及自助形式等多種形式入饌。

「NASPA新大谷飯店」賣點唔只限於客房或料理，可以一邊欣賞壯麗景色、一邊放鬆身心嘅天然溫泉亦係另一特色。男女大浴場各闊約820平方米，空間非常寬敞；而場內溫泉則有令讓皮膚變得光滑且富有彈性嘅功效，因此亦有「美人之湯」之稱。如果事先預約好，您仲可以使用源泉直接湧出嘅包場式溫泉𠻹。

酒店提供各式各樣活動體驗，除徒步健行、網球、木槌高爾夫、冬季滑雪等戶外型運動以外，亦不乏室內攀石、乒乓波及健身等室內運動！