備中高梁即位於岡山縣中部偏西嘅「高梁市」。高梁市除坐擁著名天空山城「備中松山城」之外，市內亦有多座神社寺廟等歷史悠久建築物，遊客嚟到高梁市可以欣賞到古色古香街景，因此當地又有「備中小京都」之稱，係一處雅致風情濃厚嘅區域。
關於備中高梁
備中高梁由兩個區域構成，一為被臥牛山、雞足山與愛宕山環繞嘅盆地，另一個為吉備高原。盆地中央有高梁川流經，兩側則為廣闊吉備高原，於12世紀後期開始，位於岡山縣中央西側嘅呢片區域就發展成繁華城下町，擁有風光一時嘅歷史。
備中高梁一整年氣候相對比較溫和，平均氣溫約為14℃。另外，一年當中經常起霧亦係地區特色之一。起霧日子雖多，但並唔會影響觀光旅遊興致，無論任何季節都非常適合到訪備中高梁。
備中高梁必睇・必玩之處
備中高梁主要觀光地區為以JR備中高梁站為首嘅9個市區地區。本文將會大家介紹最多必睇・必玩之處集中嘅兩大觀光區域。
高梁市市區：以備中松山城為首、集結眾多觀光景點
高梁市市區擁有神社寺廟、武士家宅、庭園以及展望台等相當豐富嘅觀光景點，例如高梁市象徵「備中松山城」、可以飽覽雲海嘅松山城「雲海展望台」等等，遊客可以於市內盡情欣賞日本傳統景色。漂浮於雲海之上嘅松山城係一個僅於9月下旬~4月上旬先會出現嘅絕景，而且仲要運氣夠好先有機會親身見證！
另外，備中高梁街景亦係矚目焦點之一，種滿一整排優美柳樹與櫻花樹嘅「紺屋川美觀地區」，又或保留著近250米長嘅武士家宅景色「石火矢町故鄉村」都非常適合遊客悠閒散步。
成羽町吹屋地區：因銅山與「孟加拉紅」而繁華嘅街道
成羽町吹屋地區過去因盛產銅礦而繁華一時，其代表觀光景點為「吹屋故鄉村」。嚟到「吹屋故鄉村」，您可以見到區內多座建築都由赤銅色石州瓦與塗上「孟加拉紅」嘅紅牆建造，構成一片美麗街景。
另外，區內亦有將舊時銅山景色重建嘅「笹畝坑道」，以及製造孟加拉紅工廠「孟加拉紅館」等等富有歷史意義嘅建築。因電影拍攝場景而聞名嘅豪宅「廣兼邸」亦尉必睇觀光景點之一。
備中高梁美食與餐廳
「印度番茄炒麵 （インディアントマト焼きそば）」係備中高梁最著名嘅美食。咖哩風味炒麵淋上高梁特產番茄熬煮而成嘅番茄醬汁，係咪聽到都已經流晒口水呢？
JR備中高梁車站附近有多間餐飲店，提供印度番茄炒麵、日本料理、中華料理以及甜品等多款料理。
備中高梁旅館酒店
高梁市內住宿設施分佈於各個區域，但每區都而且都只有廖廖數間。當中住宿設施分佈比較集中嘅地區係JR備中高梁站附近，與其他地區相比，區內酒店設施較為齊全。
無論入住邊個地區嘅旅館酒店，房價價位大致都相同。酒店價位1晚落於5,000日圓～7,000日圓之間，而旅館附早晚餐住宿方案則大約13,000日圓起（截至2019年9月資訊）
備中高梁交通方式
想要前往備中高梁的造，請先從各地乘搭JR山陽新幹線往岡山站，再從岡山站轉乘JR伯備線電車至備中高梁站即可，特急電車車程約35~40分鐘，一般電車則為1小時左右。
備中高梁觀光景點分佈於市內各處，乘搭巴士會比較容易前往。
景點資訊
- 名稱：JR備中高梁站
- 地址：〒716-0039岡山縣高梁市旭町1317-2
- 交通方式：JR岡山站→[JR伯備線]車程約35～40分鐘→JR備中高梁站
- Wi-Fi：有（JR備中高梁站直通高梁市圖書館館內可使用免費WIFI上網）
- 語言：英文（依觀光設施而定）
- 購票方式：於車站購票
- 信用卡：VISA, MasterCard萬事達, JCB, AMERICAN EXPRESS美國運通, Diners Club International大來國際信用卡（依設施而定）
Comments