岡山後樂園位於中國地區岡山縣岡山市內，係一座擁有優美風情庭園景色嘅日本庭園，並與水戶偕樂園、金澤兼六園齊名被稱為日本三大名園。園內值得欣賞嘅建築與自然景觀相當豐富，，又會頻繁舉辦點燈等活動，保證您幾時到訪都可以感受到岡山後樂園嘅庭園魅力！
關於岡山後樂園
岡山後樂園建於1687年，係一座由大名（土地領主）池田綱政下令建造嘅庭園。雖然喺20世紀時曾因水災及戰爭等因素嚴重受損，幸好後來重建時參考造園當時嘅平面設計圖等資料，因此得以成功恢復當時風貌。岡山後樂園亦被指定為日本國家特別名勝，更榮獲≪米芝蓮日本綠色指南≫三星榮譽，可謂岡山縣首屈一指嘅珍貴觀光景點！
岡山後樂園必睇之處
後樂園廣闊園內遍佈多個眾多值得欣賞嘅景點，例如係保留著昔日風采嘅建築、隨季節更迭綻放嘅時令花卉，以及自然交織出動人景色嘅池塘與假山等等，每一處都值得您細細鑑賞。
被稱為「御茶屋」嘅建築
包含藩主居所「延養亭」在內，園內多間建築物皆被稱為「御茶屋」。遊客可於園內各處欣賞到日式和風建築，與庭園一景一物完美融合。因建築而異，從內部眺望到嘅庭園景色與印象亦截然不同，時間許可的造，絕對值得您走入每一棟好好遊覽一下！
增添季節色彩嘅四季花卉
隨著四季更迭綻放嘅時令花卉亦係岡山後樂園必睇之處之一。當園內約280棵染井吉野櫻以及將近3000株花菖蒲同時盛開時，場面震撼得叫人讚不絕口！順帶一提，染井吉野櫻花季為3~4月、花菖蒲則係6月上旬，如果旅遊時正值花季，就千祈唔好錯過呢片動人美景喇！
後樂園每年七月第一個星期日早上亦會舉辦「觀蓮節」活動，開放予公眾欣賞蓮花開花。破曉之際緩緩開花嘅蓮花一景優雅神秘，成功擄獲唔少遊客芳心。
夜間特別開放等活動
岡山後樂園一年四季都會隨時舉辦各式各樣活動。例如夜間特別開放入場嘅「幻想庭園」，就會於春夏秋三季各舉辦一次，由瑩瑩燈光點綴岡山後樂園夜晚。如圖中嘅日本傳統庭園景色虛幻飄渺氛圍，保證您只要到場睇過一次就會從此愛上！
除此之外，後樂會亦會因應季節舉行茶會、開放未公開建築物予公眾參觀，又或園內飼養丹頂鶴嘅「放飛日」等等眾多特色活動。
岡山後樂園營業時間與入園費用
岡山後樂園營業時間因時期而異。3月20日至9月30日為7點30分至18點；10月1日至3月19日為8點至17點。無論係邊一段營業時間，最後入園時間皆為閉園前15分鐘。
入園費用為成人410日圓。（截至2019年10月資料)
岡山後樂園交通方式
前往岡山後樂園嘅交通方式眾多，而最方便嘅方式就係乘搭直達巴士。從JR岡山站後樂園口（東口）１號乘車處乘車，車程約10分鐘，車資為成人100日圓。
車上與乘車處皆提供WIFI上網服務，遊客可順便查詢旅遊資訊及索取相關宣傳手冊。
景點資訊
- 名稱：岡山後樂園
- 地址：〒703-8257 岡山市北區後樂園１－５
- 交通方式：JR岡山站→[宇野汽車岡山後樂園巴士]車程約10分鐘→岡山後樂園巴士站下車…徒步約1分鐘
- Wi-Fi：有
- 語言：英文、繁體中文、簡體中文、韓文、法文
- 購票方式：於入口處購票
- 信用卡：VISA, MasterCard萬事達, JCB, AMERICAN EXPRESS美國運通, Diners Club International大來國際信用卡, Discover Card, 銀聯
Comments