「富岡」位於群馬縣西南部，養蠶、製絲和紡織業等歷史悠久。以被指定為世界遺產・日本國寶「富岡製絲廠」為首，加上其他與紡織業相關嘅歷史性遺址，置身於此有種穿越時空，充分感受到濃烈嘅懷舊氣息。另外仲有賞花名所、美術館、博物館和野生動物園等，景點既豐富又多元化。
富岡小檔案
富岡東部地形平坦、西部有海拔1,104公尺嘅妙義山、南部有海拔1,370公尺嘅稻含山、北部係一片丘陵地。中央平原上嘅兩條河流流域中，形成市中心。
富岡全年平均氣溫約14℃，氣候比較溫暖，一年有超過200幾日都係晴天。雖然一年四季都很適合旅遊觀光，但特別推薦可以賞花嘅春季到夏季期間前往旅遊。春天有櫻花和牡丹花、夏天有向日葵、秋天有波斯菊和紅葉，每個季節都各有魅力。
富岡必睇景點
富岡擁有豐富嘅觀光景點。以下將會為大家介紹必睇景點好推薦!
「富岡製絲廠」、「舊茂木家住宅」等歷史景點
富岡擁有多個歷史景點，例如「富岡製絲廠」，1872年設立嘅時侯，係當時世界最大規模嘅製絲廠。而建於1527年前嘅「舊茂木家住宅」，係日本現存歷史最悠久嘅古民家。
日本國寶・被指定為世界遺產嘅「富岡製絲廠」係必去人氣景點。另外，繭倉庫、首長館等設施，大部分都保留著創業當時嘅原始外觀。建築物融合日本和西方建築技術、具有木骨煉瓦造嘅建築風格。現場可以望見140公尺長嘅製絲廠、一字排開嘅自動繞線機等等，龐大規模確實令人震撼。
「妙義神社」、「貫前神社」等擁有華麗裝飾嘅神社
富岡有兩間被指定為日本國家重要文化財嘅神社，具有非常華麗嘅建築風格和裝飾。首先，「妙義神社」內有許多必睇位，包括高12公尺、鮮豔嘅朱紅色大門。本殿華麗宏偉，擁有黑色柱子、牆壁貼有金箔、色彩豐富嘅雕刻等令人歎為觀止。
另外，「貫前神社」嘅特色係朱紅色本殿和拜殿，上面有綠色、藍色和黃色等色彩鮮艷嘅裝飾，如此華麗嘅建築確實非常吸睛。
「群馬野生動物園」、「妙義山全景公園」等可以接觸動物與豐富大自然景點
富岡市擁有多個利用山脈和湖泊等豐富自然環境而建立嘅觀光景點。例如「群馬野生動物園」係一個擁有廣大丘陵地嘅自然動物園。園區內有白老虎和亞洲象等等約100種動物，遊客可以搭著車去遊覽園區一圈。另外，亦有可以與得意小動物互動和接觸嘅區域、遊樂園等等。
「妙義山全景公園」可以俯瞰著名嘅「妙義山」，西面可以望見粗糙嘅岩石山壁，而東面就有包括「赤城山」在內嘅群山美景。另外，4月有油菜花田、11月有玻斯菊花園及秋天紅葉，隨著四季變化嘅花草樹木與雄偉山脈背景所交織而成嘅絕景，既壯觀又雅緻。
富岡美食及餐廳
喺富岡覓食嘅話，就一定要試試群馬縣必食鄉土料理「切寬烏龍麵」(おっきりこみ)和名物B級美食「炸HORUMON 」(ホルモン揚げ)啊。「切寬烏龍麵」(おっきりこみ)係將寬扁麵條加入大量蔬菜一起燉煮而成；而「炸HORUMON 」 (ホルモン揚げ) 最獨特之處係名不符實，日文「ホルモン」意思係內臟，但群馬縣招牌商品嘅「炸HORUMON 」(ホルモン揚げ)嘅真身其實係「炸獅子狗」!將獅子狗沾麵衣後油炸而成嘅富岡名物美食，記得有機會要去試一試佢啦。
富岡酒店及旅館
富岡市嘅住宿設施數量唔多，大約只有10間。但種類算得上豐富，有酒店、度假酒店、民宿、一軒宿等等。
※備註：所謂「一軒宿」意指方圓之間只有一間可供住宿嘅建築，通常座落於人煙稀少嘅郊野或山林中。
另外，每晚大約5千~1萬日圓、價格合理嘅住宿有以下例子，距離富岡製絲廠比較近嘅「HOTEL AMUSE 富岡」(ホテルアミューズ富岡)、「民宿YUKIFUMI」(民宿ゆきふみ)、「農家民宿HINATA」(農家民宿ひなた)等等。（截至2019年9月資訊）
前往富岡嘅交通方式
以「JR上州富岡站」為起點，從新幹線JR高崎站搭上信電鐵前往「JR上州富岡車站」，車程約40分鐘。
由於每個觀光景點與車站都有一段距離，建議搭當地巴士前往。需要注意巴士於周日、元旦暫停服務，平日班次亦唔算很多，出發之前要確認好巴士嘅時間表啊。
景點資訊
- 名稱：富岡（JR上州富岡站）
- 地址：〒370-2316 群馬縣富岡市富岡1599-3
- 交通方式：高崎站→[上信電鐵]約40分鐘→上州富岡站
- Wi-Fi：有（Tomioka Free Wi-Fi）
- 語言：中文、英文、韓文、法文
- 信用卡：可以使用VISA, MasterCard, JCB, AMERICAN EXPRESS, Diners Club International
Comments