日本代表性嘅礦山遺跡「石見銀山」，位於島根縣大田市大森町，2007年以「石見銀山遺跡及其文化景觀」被登錄為世界遺產，更係亞洲第一個登錄為世界文化遺產嘅礦山遺跡。「石見銀山」仍依保留著過去民房、商店、武家宅邸、旅館和寺廟等街景，仲可以欣賞到被稱為「間步」嘅坑道，值得去參觀嘅景點非常多。
石見銀山小檔案
石見銀山歷史悠久，1526年到1923年間，係世界首屈一指生產高質量銀礦之一。當時從石見銀山所開採出嘅銀，經過東亞輸出到歐洲，據聞當時於世界流通嘅銀當中，有三分之一係嚟自石見銀山，可以想像得到當時嘅產量有幾咁豐盛。
石見銀山必睇特色位
石見銀山大致分為三大區域：代官所區、武家・町家區和銀山區。每個區域都各有特色，如果要行晒所有區域嘅話，來回應該會超過6公里，以下會為大家介紹各區必睇景點。
代官所區：與代官所相關的遺跡和文化財
代官所區──距離石見銀山入口最近嘅參觀地區，1600～1800年代嘅代官所遺跡，當中聳立着過往嘅代官所、武士府邸、商店及神社等歷史氣息濃厚。當中必訪景點有石見銀山資料館（大森代官所跡）外嘅宏偉正門及門長屋；重現1800年代因銀礦而受惠商人嘅當時生活嘅「熊谷家住宅」。
武家・町家區：1600～1800年嘅古老街景眼前重現
武家・町家區係石見銀山嘅中間區域，武家屋敷與商人所居住嘅町家等古老街景於眼前重現。莊嚴宏偉嘅傳統舊屋並列左右兩端，傳統日本村落結構景觀非常吸睛。另外，羅漢寺五百羅漢及榮泉寺亦係必去觀光景點之一。
銀山區：銀礦採掘地區、精煉廠遺跡
銀山區最精彩嘅地方就係前往「龍源寺間步」途中嘅銀礦採掘地區，置身其中，感受到四周洋溢著礦山街道氛圍。
推薦您先去清水谷精煉廠遺跡、下河原吹屋遺跡等精煉廠，佐毘賣山神社；然後再遊覽「龍源寺間步」銀礦採掘坑道 ，當中開採嘅鑿痕仍然清晰可見，當時勞動者們徒手挖掘開採嘅情景，壯觀的景象呈現眼前。
銀手作體驗
石見銀山世界遺產中心會於每個星期三和星期四，舉辦「丁銀」(日本室町時代至明治維新之間所使用嘅一種銀幣)製作體驗活動。
體驗活動中使用低熔點合金和塑料膠板等製成丁銀嘅形狀，再加上鑰匙扣和吊繩帶等掛件。如果想挑戰難度高一點嘅製作體驗嘅話，可以試試製作高級丁銀「御取納丁銀」。另外，仲有舉辦「沙中撈銀」等新奇有趣嘅活動體驗，有機會記得去試一試啦。
石見銀山營業時間與票價
石見銀山嘅營業時間，會因應各個設施都會有所唔同，但通常都係乎喺9:00至17:00左右嘅時間帶。例如龍源寺間步・石見銀山資料館開放時間係9:00-17:00，而熊谷家住宅開放時間係9:30〜17:00。龍源寺間步最後入場時間係關閉前10分鐘。
各個設施門票價格不一 ，龍源寺間步成人每位410日圓；石見銀山資料館成人每位500日圓；熊谷家住宅成年每位500日圓。 （截至2019年9月資訊）
石見銀山交通方式
要去石見銀山，首先以JR大田市站為目標。從JR大田市站搭石見交通巴士，約30分鐘即可抵達代官所區入口「大森代官所跡」。如果想順道一遊石見銀山嘅主要觀光區銀山，可以喺「世界遺產中心」巴士站落車。
景點資訊
- 名稱：石見銀山
- 地址：〒694-0305 島根縣大田市大森町イ1597-3
- 交通方式：大田市站→[石見交通巴士]約30分→大森代官所跡巴士站…步行即達
- Wi-Fi：有
- 語言：中文、英文、韓文
- 購票方式：現場購票
- 信用卡：不可使用
Comments