去日本旅行觀光嘅時候，最常用到相信就係電車（火車）。既然都係坐電車，咁點解唔坐啲又靚，又可以欣賞風景，仲有正嘢食嘅＋α增值版呢？咁就算只係交通時間都可以變成觀光玩樂嘅一環。
近年、日本全國各地都陸續推出好多觀光列車，入面有高級餐廳級數嘅美食餐飲提供，又有當地嘅甜品同名酒。而且車廂全部都好靚好舒服，好適合想舒適放鬆咁享受電車之旅，又想影靚相嘅人。今次，我地嚟介紹喺西日本行走嘅觀光列車。
悠閒奢望嘅列車：「觀光特急Shimakaze(島風)」
「Shimakaze」喺由近鐵嘅大阪難波站・京都站・近鐵名古屋站開向伊勢志摩方面嘅豪華觀光特急登車，喺2013年3月首次行駛之後，就成為唔止代表關西、東海地區，甚至喺代表日本嘅人氣觀光列車，至今仍然好受歡迎。
「Shimakaze」有可以品嘗美食嘅咖啡廳車箱、適合4至6個人坐嘅「卡位」、3至4人嘅和風・洋風貴賓室等。
車廂內亦有免費WIFI，而喺化妝間入面，仲準備好三面鏡同埋圓嘅坐椅，方便靚女們扮靚。喺1號同6號車箱入面有免費嘅有鎖儲物櫃同埋大型行李擺放空間，咁就算拎住好多行李去旅行都唔驚啦。
列車資料
- 列車名：Shimakaze
- 運行地點：大阪難波 ～ 賢島/京都 ～ 賢島/近鐵名古屋 ～ 賢島
- 運行日期及班次：每個地點每日1來回班次（大阪難波出發 - 逢星期二休息、京都出發 - 逄星期三休息、近鐵名古屋出發-逢星期四休息；如遇公眾假期、暑假及寒假等，則會繼續運行)
- 價格：大阪難波 ～ 賢島5,040円/ 京都 ～ 賢島5,680円 / 近鐵名古屋 ～ 賢島間4,700円（普通車票+特急費用+Shimakaze特別車輛費用）
- 購票方法：可經官方網頁、近鐵車站嘅窗口及旅行社訂購。最早可於乘車日前1個月嘅朝早10時半開始購票。
行走「海之京都」嘅餐廳：丹後黑松号 (Kuro-Matsu)
京都丹後鐵道有3架觀光列車，分別係丹後紅松號(Aka-Matsu)、丹後青松號(Ao-Matsu)同埋丹後黑松號(Kuro-Matsu)。而其中嘅丹後黑松號喺主題餐廳列車，會用當地嘅食材提供富本土風味嘅料理。
丹後地區以日本三景之一嘅天橋立為中心，因為呢個原因，所以被稱為「另一個京都」，代表一個同平日京都印象好唔同嘅地域。喺餐廳列車入面，乘客可以一邊欣賞京都丹後嘅美景，一邊可以品嘗主要以當地材製成嘅料理，例如「精緻午餐」、「甜品套餐」等四種唔同膳食選擇。
「丹後黑松號」令我地去目的地嘅交通時間都可以變成美好回憶，大家有無興趣同屋企人或者朋友試下呢？
列車資料
- 列車名：丹後黑松号
- 運行地點：甜品套餐：福知山→天橋立(單程) / 精緻午餐、下午茶會、微醺套餐(黃昏)：天橋立⇔西舞 (來回)
- 運行日・班次：甜品套餐、精緻午餐：星期五、六、日及假期運行/ 下午茶會、微醺套餐：逢星期六、日、假期運行
- 車程時間：甜品套餐：1小時43分／精緻午餐：2小時2分／下午茶會：1小時2分／微醺套餐：1小時28分
- 價格：甜品套餐： 4,900円／精緻午餐：1万1000円／下午茶會： 3,900円／微醺套餐：4,500円 ※價格已包稅 ※由於餐點膳食使用合時節嘅材料，所以可能會根據季節時間而有所變更。
- 購票方法：經丹鐵指定站嘅窗口，或官方網頁購買，可於乘車日前3個月至3日前購票。經旅行社JTB、日本旅行、近畿日本Tourist嘅分店購買，可於乘車日前3個月至5日前訂購。
山盟海誓結緣列車：海山結 (UMI YAMA MUSUBI)
「UMI YAMA MUSUBI」係由「天空之城 竹田城跡号」翻新嘅新觀光列車。用咗～幸福結寶箱～嚟做車廂嘅主題。
連結海同山嘅列車，伸引到連結朋友間嘅情宜同牽絆、結緣。唔單止連結咗土地同土地，亦好似列車標誌嘅紅色結緣繩結一樣，對人與人之間嘅相遇亦好重視，想令乘客賓至如歸，喺列車入面嘅短暫時間，都可以變成「旅行中嘅寶物」，所以用咗「寶箱」嚟做設計主題之一。
列車資料
- 車両名：海山結 (UMI YAMA MUSUBI)
- 列車名（舊天空之城 竹田城跡号）
- 運行點：城崎温泉(9:08)→寺前(11:28) 寺前(14:09)→城崎温泉(16:24)
- 運行日： 2019年10月5日・６日・12日～14日・26日・27日／11月２日～4日・9日・10日・16日・17日・23日・24日・30日
山陰線嘅壯絕景色列車：「〇〇之話事」(marumaru no hanashi)
「marumaru no hanashi」喺沿住幽美嘅海岸線而建，連接三個地方：萩（ha）、長門（na）、下関（shi）嘅觀光列車，加埋一齊就成為故事（hanashi）。
電車嘅係由「和洋共融之海」為題嘅兩個車箱，用咗喺呢個地域見證歷史嘅兩款花做裝飾，分別為「夏蜜柑之花」同「文珠蘭」。
車箱內嘅設計亦係和洋共處，主題係「日本憧景嘅西洋（洋）、西洋憧景嘅日本（和）」，分別有和風同洋風車箱。車入面仲有紀念品販賣，推薦買嚟做手信。喺歷史上推動日本引入西洋文化嘅志士活躍地區，一邊睇靚景，一邊嘗美食，唔知你嘅故事會係點嘅樣呢？
列車資料
- 列車名：〇〇之故事 (marumaru no hanashi)
- 運行地點：新下関〜東萩
- 運行日・班次：至2020年2月29日嘅每逢星期六、日、公眾假期，１日１來回班次。
- ※2019年10月22日、12月28日、12月29日、2020年1月1日、1月4日、1月5日除外
- ※2020年3月之後嘅運行班次將另行公佈。
- 價格：大人530円、小童260円 坐位指定費用，另需購買乘車票。
- 購票方法：乗車日嘅1個月前嘅早上10時開始，可於全國JR主要車站嘅綠色窗口，及主要旅行社購買指定席（另需乘車費用）
用五官體驗山陰樂趣嘅列車：「天地」(AmeTuchi)
由2018年7月起開始運行嘅「AmeTuchi」嘅主題係「地道嘅日本」。山陰地方喺以豐富自然資源嘅土地有名，一般相信呢度嘅神社、酒、同埋神話，都喺由遠古日本流傳而嚟。喺咁樣嘅山陰地方裡面，呢架列車可以令人發現「傳統而創新嘅日本」。
事前予約嘅話，就可以喺車入面品嘗以山陰地道食材而製嘅膳食，又或者係山陰人氣嘅西餅店、傳統舖頭、和菓子店等合力泡製嘅甜品。
車入面亦會展出山陰嘅傳統工藝品，而透過大型嘅車窗，亦可以欣賞到大山（だいせん）、宍道湖（しんじこ）等靚景。
列車資料
- 列車名：AmeTuchi（天地）
- 運行地區：鳥取～出雲市
- 運行日・班次：主要於周末運行，部份星期一亦有班次，１日１來回班次
- 價格：大人 乘車券＋Green券 4,630円（鳥取～出雲市站間）
- ※全席指定席。所以除購買乘車票外，需要購買普通列車指定席Green券。
- 購票方法：乗車日嘅1個月前嘅早上10時開始，可於全國JR主要車站嘅綠色窗口，及主要旅行社購買指定席。
Comments