去日本旅行觀光嘅時候，最常用到相信就係電車（火車）。既然都係坐電車，咁點解唔坐啲又靚，又可以欣賞風景，仲有正嘢食嘅＋α增值版呢？咁就算只係交通時間都可以變成觀光玩樂嘅一環。
近年、日本全國各地都陸續推出好多觀光列車，入面有高級餐廳級數嘅美食餐飲提供，又有當地嘅甜品同名酒。而且車廂全部都好靚好舒服，好適合想舒適放鬆咁享受電車之旅，又想影靚相嘅人。今次，我地嚟介紹喺東日本行走嘅觀光列車。
最近世界遺産「富士山」嘅鐵道：富士急行線嘅「富士山VIEW特急」
由JR大月站直接可以去轉車搭富士急行線嘅呢架列車，佢係號稱最近富士山嘅鐵道—「富士山VIEW特急」。由大月站去富士山腳嘅河口湖站，車程大概45分鐘。喺車廂入面可以欣賞到登錄成為咗世界遺嘅富士山景色。
而呢款列車亦提供令人更開心嘅甜品套票。喺星期六、日或者假日，可以食到由酒店嘅甜品師傅為富士山VIEW特急製作各款甜品。
列車資料
- 列車名：富士急行 富士山VIEW特急
- 運行地點：富士急行線大月站～河口湖站
- 運行日期：1日4班（2次來回）
- ※如遇工程或定期檢查時，有機會改為使用普通列車運行該路線。
- 價格：甜品套票 大人4,000円
- 購票方法：甜品套票只於星期六日提供，需於乘車日前至少3日預約。
極品料理加四季美景：西武嘅旅行餐廳「52席的至福」／西武鐵道
呢架列車係由池袋站，或者西武新宿站，去西武秩父等站嘅，正宗餐廳列車。
提供BRUNCH COURSE同埋DINNER COURSE，可以食到配合季節嘅美味料理。DINNER COURSE更加有現場演奏音樂，係從平日都市繁忙生活中，忙裡偷閒嘅好選擇。
呢架列車嘅魅力當然唔止料理咁簡單。車入面有配合秩父觀光點嘅裝修同設計，真係未到觀光地就先興奮。
列車資料
- 列車名：西武鐵道 西武 旅行餐廳「52席的至福」
- 運行地點：西武鐵道 池袋站・西武新宿站～西武秩父站等
- 運行日子：主要為星期六、日及假日，BRUNCH COURSE及DINNER COURSE 各1日1班
- 價格：BRUNCH COURSE 1萬円・DINNER COURSE 1萬5千円（附送西武線1日乘車券）
飽享新潟嘅美景同美食： Echigo TOKImeki Resort 雪月花
雪月花係行走新潟県上越地方嘅Resort列車。可以透過日本國內最大之一嘅車窗，眺望日本海同埋妙高連峰嘅宏偉景色，當然亦都可以喺車入面品嘗新潟嘅美食。
想要一個特別嘅旅行體驗，可以試吓呢個有少少奢華嘅觀光列車「Echigo TOKImeki Resort 雪月花」。
列車資料
- 列車名：Echigo TOKImeki Resort 雪月花(Setsugekka)
- 運行地點：Echigo TOKImeki鐵道上越少高站～(妙高高原站折返)～糸魚川站
- 運行日・班次：星期六、日、假期會１日２班，即上午班次（法國餐)，同下午班次（日本餐）
- ※冬季特別運行只有１日１班
- 乘車時間：上午班次French Course - 2小時51分
- 價格：各班次(連Course) 1,7500円（冬季特別運行格側為19,500円）
- 購票方法：可經由公式網頁嘅詢問頁面，提出希望予訂日期（英文聯絡)
豪華觀光列車嘅經典：THE ROYAL EXPRESS
2017年7月開幕嘅新觀光列車。列車嘅套票有包咗住宿同觀光嘅「Cruise Plan」同包咗列車內膳食嘅單程票「附食事乘車Plan」。
THE ROYAL EXPRESS嘅車廂，係由設計JR九州「七夕星in九州」同埋九洲新幹線、SWEET TRAIN「或る列車」嘅設計師，水戸岡鋭治氏所設計。每卡車都有唔同嘅裝飾，非常講究細節，單望都好有睇頭。
列實資料
- 列車名：THE ROYAL EXPRESS
- 運行地點：JR横浜站～伊豆急行線伊豆急下田站
- 運行日・班次：附食事乘車PLAN逢星期一出返各一班，星期五往伊豆方向一班（由於是不定期，請於官方網站確認運行日子及班次）
- 乘車時間：附食事乘車PLAN，約3小時10分～約3小時20分(不同班次會有所不同）
- 價格：附食事乘車PLAN — GOLD CLASS 2萬6千円、Platinum Class 3万9千円 ※包住宿嘅Cruise Plan價格另行設定
- 購票方法：可於官方網頁，或以郵送(專用申請書)方法申請。購票申請方法詳情，請於官方網站確認（只有日文網頁）
可以品嘗本地酒嘅「坐得好開心列車」：越乃Shu＊Kura（KoshinoShuKura）
日本酒王國・新潟嘅自豪 - 「酒」嚟做主題嘅列車「越乃Shu＊Kura」。Shu＊Kura呢個名，其實好有意思，分別係 Shu＝酒、＊＝米・雪・花、Kura＝酒藏。
喺車入面，有專人推介嘅新潟県内銘酒嘅試飲（另外收費），亦有送酒菜賣。另外車內仲有JAZZ或者古典音樂嘅現場演奏，有時亦會有其他同酒相關嘅活動，可以搭住車嚟品嘗美酒。
列車資料
- 列車名：越乃Shu＊Kura
- 運行地點：上越妙高站〜十日町駅站
- 價格：VIEW旅行商品8,400円（上越妙高站～十日町站 單程）
- 乘車時間：去程：2小時30分 回程：3小時48分
- 購票方法：可經ViewPlaza、VIEW予約中心或各大旅行社購買
Comments