「八甲田山」係橫跨青森縣南北嘅複數火山群之總稱。由於火山活動，周邊形成火山口同溫泉地區。加上比水平線高、面積大嘅泥炭層經年月累積形成濕原地帶。喺夏天可以搭纜車到山頂眺望美麗自然景觀，喺冬季亦可以體驗滑雪樂趣。
位於日本青森縣的八甲田山
八甲田山最高峰為標高1585米嘅「八甲田大岳」，現時火山活動仍活躍，有火山口同高溫溫泉水湧出後匯聚而成嘅「地獄沼」等等。八甲田山嘅高層濕原，係由比水平線高嘅泥炭層形成嘅濕原，喺夏季可欣賞到美麗大自然景觀。
以小說《八甲田山 死的徬徨》為題材之電影取景地
小說《八甲田山 死的徬徨》描敘戰爭中於八甲田山發生嘅雪難事件，陸軍士兵行軍時遭遇暴風雪，及後以此小說為原作，改編成電影《八甲田山》，更於寒冬時期到八甲田山實地拍攝，重現當時八甲田山冬季嘅嚴寒環境。
青森縣八甲田山的特色
遊客可以搭纜車去到八甲田山山頂，從山頂站能欣賞到八甲田連峰嘅雄偉壯觀山岳景色，仲可以眺望到青森街景、陸奧灣、津輕下北半島、津輕平原等遠方景色。隨著四季更迭，初夏可以享受綠意盎然嘅山景、秋季（10月上旬～11月上旬）欣賞轉紅嘅楓葉，唔同季節嘅景色都有唔同嘅美。
另外，冬季有好多人會去滑雪場滑雪，相當熱鬧。一邊滑雪，一邊欣賞八甲田嘅樹冰，都係一種特別嘅體驗。滑雪季節由11月下旬至5月中旬開放，而樹冰最佳觀賞期間則為2月至3月。
八甲田纜車營業資訊
八甲田纜車全年開放，搭去山頂所需時間為單程約10分鐘。營業時間為上午9點開始，每隔約15至20分鐘一班車（3月1日至11月上旬嘅末班車為16:20、11月中旬至2月底嘅末班車則為15:40）。單程車票收費為成人1,250日圓（來回票2,000日圓）、孩童450日圓（來回票700日圓）。提供行李寄存服務，每件收費200日圓（僅於營業時間內提供服務）。
去八甲田山的交通資訊
最後介紹從東京市內去八甲田山嘅交通方法。從東京站搭新幹線，約3小時20分鐘後於新青森站落車轉搭JR列車，約5分鐘喺青森站落車。之後喺青森站前搭「往十和田湖方向（冬季則為往酸湯溫泉方向）」嘅JR巴士，車程約1小時，到「八甲田纜車站前」落車。
景點資訊
- 名稱：八甲田纜車
- 地址：青森縣青森市寒水澤1-12
- 交通方式：東京→[新幹線] 約3小時20分鐘→新青森站→[JR] 約5分鐘→青森站→[巴士] 約1小時→八甲田山
- Wi-Fi : 無
- 語言：僅限日文
- 門票：於窗口或自動售票機購買
- 信用卡：無法使用
Comments