Daihatsu(大發)推出嘅輕型車「TANTO」第四代車款，已經喺7月上市。係2003年首次亮相嘅第一代「TANTO」，開創咗「超級高頂旅行車(super height wagon)」嘅新款車。輕型高頂旅行車車身高度超過170 cm，寬敞嘅車內空間再加上拉門式後座車門，操作方便大受好評。而目前「輕型高頂旅行車」係成個輕型汽車市場中銷售數最多嘅車型。今次要為大家介紹日本銷售亮眼嘅5款「輕型高頂旅行車」。
連續2年蟬聯日本汽車銷售第一：HONDA(本田汽車) X BOX
HONDA 嘅X BOX係「輕型高頂旅行車」當中銷售最暢銷嘅一款，曾多次喺FUN! JAPAN文章中登場。更加喺2017年、2018年，連續2年奪下日本汽車銷售冠軍。雖然係輕型車，但部分車身唔係用電弧焊接，而係採用高級車使用嘅結構粘接加工等製程，故品質良好。除咗車內空間寬敞，行駛時安靜與乘坐舒適亦係呢個車款受歡迎嘅原因。
輕型車首創「搭載多項先進安全設備」：Daihatsu MOVE
MOVE可以話係「輕型高頂旅行車」嘅始祖。喺N BOX奪下寶座之前，MOVE喺輕型車市場上佔有一席之地。今年7月亮相嘅第四代車款，將車身同引擎全面升級，性能因而大幅提升。車身設計方面讓高齡者都可以方便上落車。部分車種搭載咗各種輔助駕駛，令行駛更順暢嘅系統，例如最先進嘅自動偵測照明車頭燈，係首次導入輕型汽車車款嘅設備，可以自動遠燈照射以迴避前方車輛及對向車輛。
2017年底首次改版換裝：SUZUKI Spacia
SUZUKI有好長一段時間，喺「輕型高頂旅行車」嘅銷售量不及HONDA、Daihatsu。不過，喺2017年底推出嘅第二代Spacia之後，銷售成績亮眼，一躍晉升為人氣車款。全車配置搭載小型馬達嘅變速器Mild Hybrid 輕度混合動力系統，再加上休閒流行風格嘅外觀，深受大眾歡迎。
日產與三菱共同開發車款：三菱汽車eK Space／Nissan DAYZ ROOX
三菱汽車及Nissan汽車共同企劃而誕生嘅輕型高頂旅行車。停車嘅時候，車內導航畫面會顯示從正上方俯視車輛嘅360度影像，為輕型車首次搭載嘅功能。2013年發售嘅車款年代雖然有啲久遠，但係喺當時嚟講係相當先進嘅車型。至今仍擁有一定程度嘅支持率。預計會喺2019年推出全新改款車型。
超高車頂旅行車：Daihatsu WAKE
比「輕型高頂旅行車」更上一層，總高度超過180 cm嘅超高車頂旅行車。車內空間高度亦有145.5 cm，因此細路或身材較為嬌小嘅人，喺車內企喺度都幾乎唔會頂到車頂。寬敞嘅車內空間，作商業用途都好適合。然而售價比一般「輕型高頂旅行車」較為昂貴，因此銷售數量無想像中咁好。(小編內心OS：明明就幾好吖！)
「麻雀雖小，五臟俱全」小小車輛集結咗完善嘅功能，可以話係日本汽車嘅特色。如果香港都有引進呢幾款車輛嘅話，大家又會唔會考慮購買呢？
Comments