位於日本大分縣東北部嘅「國東半島」，自古以來就係一個佛教文化盛行嘅地方，島上座落著多個古代石雕、神社佛寺歷史悠久嘅景點。國東半島東部沿岸設有大分機場，遊客可以利用連接主要車站及機場嘅史蹟遊覽巴士前往各個觀光景點。
大分縣「國東半島」小檔案
國東半島位於日本大分縣東北部，係佛教文化「六鄉滿山」蓬勃發展嘅地方。六鄉滿山為國東地區獨有嘅神佛習合文化（由日本本土神道教神明與外來宗教佛教融合而成），起初源於奈良・平安時代，由結合奈良、京都文化、當地宇佐八幡文化、天台佛教以及日本自古以來嘅山岳信仰等多種色彩而成。而喺國東半島上，現存嘅部分歷史遺跡就展現出呢種神佛融合嘅文化，因此島嶼亦有「御佛之里」(み仏の里)之稱。
國東半島特色
遊客嚟到國東半島，可以欣賞到多個展現國東半島獨特文化嘅歷史遺跡，例如刻於懸崖岩壁上嘅石頭雕塑、歷史悠久嘅神社佛寺等等。
國寶級正殿「八幡總本宮 宇佐八幡」
「八幡總本宮 宇佐八幡」係分佈於日本全國約4萬座八幡社嘅總本社，壯觀正殿更獲認證為國寶。
景點資訊
- 名稱：八幡總本宮 宇佐八幡
- 地址：大分縣宇佐市南宇佐2859
- 交通方式：羽田機場→[飛機]約1小時30分鐘→大分機場→[大分機場利木津巴士]約1小時鐘→宇佐神宮
- 參拜時間 : 4月～9月為5時30分～19時、10月～3月為6時～19時
- 寶物館門票：大人300日圓、國高中生200日圓、孩童100日圓（開館時間為9時～16時）
六鄉滿山文化代表寺廟「兩子寺」
「兩子寺」係代表著六鄉滿山文化嘅天台宗寺廟。遊客可以喺寺廟內參觀魄力十足嘅石造仁王像，而秋天時則可以欣賞到醉人紅葉。
景點資訊
- 名稱：兩子寺
- 地址：大分縣国東市安岐町兩子1548
- 交通方式：羽田機場→[飛機]約1小時30分鐘→大分機場→[的士]約35分鐘→兩子寺
- 參拜時間 : 8:00～17:00（冬季12月～2月為8時30分～16時30分。講堂開放至16時00分）
- 參拜費用：300日圓
日本最古老石壁上嘅雕刻佛像「熊野磨崖佛」
「熊野磨崖佛」係一座被雕刻於巨大石壁上、日本歷史最悠久又規模最大嘅佛像之一。佛像現時已被指定為日本國家重要文化財。
景點資訊
- 名稱：熊野磨崖佛
- 地址：大分縣豐後高田市田染平野
- 交通方式：羽田機場→[飛機]約1小時30分鐘→大分機場→[大分機場連路巴士]約1小時→JR宇佐站→[的士]約30分鐘
- 營業時間：夏季（4月～10月）為8時～17時、冬季（11月～3月）為8時～16時30分
- 參拜費用：成人及高中生300日圓、中小學生150日圓
國東半島峰通長途步道
國東半島峰通長途步道，係一條以古時六鄉滿山修行朝聖基本路線為藍本嘅步道，由豐後高田4條路線及國東市6條路線共10個區域所組成。
國東半島一日遊巴士團
想要有效率地遊覽國東半島，首推方式就係參加巴士旅行團。由大分交通營運嘅定期觀光巴士「國東半島史蹟巡禮」天天出發，巴士會經過宇佐八幡、兩子寺等熱門景點，而且大分市及別府市內亦設有巴士停靠站。如果喺大分車站前上車，車票為5,650日圓（票價會根據您上落車地點而異）。您可以自行上網預約巴士行程，但如果當天有剩餘座位，則無需預約亦可參加。
前往國東半島嘅交通方式
如果從東京出發，您可以從羽田機場乘搭飛機前往大分機場（1小時30分鐘）。國東市內無鐵道行列，而且當地巴士班次亦唔多，建議您可選乘的士、租單車或自駕遊。
Comments