去日本大分縣別府市「鶴見岳」欣賞自然靚景啦！

大分縣別府市「鶴見岳」位處海拔1,375米高處，山頂視野絕佳，遊客可以從山上欣賞360度環迴全景。鶴見岳植物種類豐富，一年四季各種花草樹木輪流交替。除此之外，您更可以乘搭空中纜車前往山頂，安坐纜車上輕鬆欣賞美景。

大分縣別府市「鶴見岳」

「鶴見岳」係一座位於大分縣別府市阿蘇九重國立公園東邊嘅活火山。遊客從海拔1,375米高嘅山頂上可以眺望到別府市、由布山、九重連山、日本中國地區，甚至遠至四國嘅景色，亦可以同場順便欣賞四季截然不同嘅花草樹木景色。

「鶴見岳」最大特色，就係從山頂眺望到嘅景色。東邊有別府市街景及別府灣景色；而西邊則有由布山以至遠方九重連山嘅全景。想要欣賞靚景的話，建議您可乘搭別府空中纜車前往山頂。此外，鶴見岳亦以九州高山上生長嘅「九州杜鵑花」聞名。初夏期間，山上約5千棵九州杜鵑花同時盛開嘅盛況非常夢幻！

別府空中纜車運行時間與票價如下：

夏季：（3月15日至11月14日）9:00-17:30，尾班車17:00。

冬季：（11月15日至3月14日）9:00-17:00，尾班車16:30。

纜車每20分鐘一班，到達山頂需要10分鐘。

成人單程票價為1,000日圓，來回票價為1,600日圓。兒童單程票價為500日圓，來回票價800日圓。

鶴見岳四季各有唔同靚景。春天有櫻花及九州杜鵑花；夏季有新綠風景及別府夜景；秋天有醉人紅葉；冬季則會降雪。如果天氣條件許可，您仲有機會可以見到一片銀白色嘅霧淞世界。請注意，冬季一直到2月期間非常寒冷，因此一定要帶定保暖登山裝備先好出發啊。

如果從東京出發前往鶴見岳，您可以從羽田機場乘搭飛機前往大分機場（大約1小時40分鐘）。從大分機場轉乘高速巴士（約1小時）於「別府站前」落車後，再從別府站前乘搭開往湯布院方向嘅巴士（約20分鐘），最後於「別府空中纜車」下車即達。