松江位於島根縣東北部，受惠於日本海、宍道湖和中海恩賜,係擁有豐富水資源嘅地區。除咗豐富水源，仲有松江城、武士住宅等歷史建築，以及寺廟與神社、賞花名所、海水浴場等具有既豐富又多元化嘅旅遊魅力。
島根縣松江市小檔案
位於松江市北部嘅島根半島擁有絕美嘅里亞式海岸，中央部有中海與宍道湖之間嘅平原，南部係丘陵地區。
中央地區嘅中心，以建於17世紀松江城嘅城下町而發展繁榮倡盛，至今仍保留著當時嘅城市樣貌。
松江氣候與建議觀光季節
松江係一個相對溫暖嘅地區，每年平均氣溫約為攝氏14.4度。但係冬天就非常嚴寒，而且成日陰陰天。所以如果旅遊主要目的係觀賞風景，最佳時期係春天到秋天之間。唔同季節都會有唔同嘅旅遊魅力，例如春天可以賞牡丹和杜鵑花，夏天就會有傳統祭典和煙花大會，秋天就可以睇到醉人紅葉等。
如果旅遊主要目的以季節性美食為主，例如松葉蟹和寒鮒等，冬天出發係唔錯嘅選擇。
松江必睇及必玩位
松江擁有豐富嘅觀光景點。以下將為大家介紹松江必去嘅景點推薦。
「松江城」、「松江歷史館」了解松江歷史
松江有唔少景點可以令您更進一步了解松江嘅歷史。例如，介紹松江歷史和文化嘅「松江歷史館」、展示許多陶器等出土文物嘅「鹿島歷史民俗資料館」等等。
眾多景點當中，松江城絕對係必遊景點。松江城係全日本現存嘅12座天守閣之一，亦係一座歷史悠久嘅城堡，至今仍保留1611年建造時嘅模樣。天守閣內部有許多事物值得參觀，例如內部結構、武器、護具等等；最頂層視野非常好，可以眺望一大片風景。
「江島大橋」、「鹽見繩手」等知名景點
去到松江，「江島大橋」、「鹽見繩手」等松江獨特景點又點可以錯過?
首先「江島大橋」全長1,446公尺，以陡峭斜到令人震撼嘅橋面廣為人知。「江島大橋」亦被稱為「踩著油門坡」(ベタ踏み坂)，因為當你沿著陡峭嘅橋面行駛時，如果唔一直踩著油門係無法通過「江島大橋」。另外,亦可以步行過橋，而且從橋頂可以俯瞰腳下嘅中海美景。
「鹽見繩手」係松江市傳統美觀指定地區。週邊有許多武士家屋林立，保留松江最原汁原味嘅城下町風景。強烈推薦你一定要嚟行個圈啊。
「松江花鳥園 」、「由志園」等賞花知名景點
松江擁有一年四季都可以欣賞各種花草樹木嘅庭園和公園。
例如，松江花鳥園 (松江フォーゲルパーク)，全年都可以欣賞到秋海棠、倒掛金鐘等盛放嘅花卉。園內仲可以欣賞到來自世界各地90多種鳥類，包括貓頭鷹、遊隼的飛行表演，以及得意趣緻嘅企鵝遊行。
「由志園」係一個占地廣大嘅回遊式日本庭園。園內有季節性嘅花草樹木，其中以花徑巨大嘅「牡丹花」令人印象深刻。 一年四季都可以於室內庭園「牡丹之館」中欣賞到各種唔同品種嘅牡丹花。
松江美食與餐廳
松江美食以日本海捕獲嘅松葉蟹和岩牡蠣，以及於宍道湖中捕獲嘅寒鮒和蜆仔等水產而聞名，品嚐到使用新鮮食材所製作嘅海鮮丼飯、壽司等料理。
而當地鄉土料理「出雲蕎麥麵」亦有多間餐廳可以品嚐得到。
另外，松江大多數餐廳都集中於JR松江站周邊。
松江嘅酒店與旅館
松江嘅住宿設施都集中喺中央地區。住宿類型以酒店和日式旅館居多。當中，JR松江站周邊有多間以住宿機能為主嘅經濟型酒店，每晚價錢約5,000日圓。
而宍道湖周邊有「松江宍道溫泉」、「玉造溫泉」等溫泉地，亦有多間溫泉旅館。
另外，南部及北部嘅住宿設施雖然比較少，亦可以搵得一些旅館及民宿。
前往松江嘅交通方式
可以喺大阪和東京等唔同地點出發,前往觀光據點嘅JR松江站。可以選擇飛機、火車、巴士等多種交通工具，當中以新幹線會停站嘅JR岡山站搭「特急八雲號」最為方便。搭「特急八雲號」去到JR松江站，車程約需時2小時40分鐘。
另外，各個觀光景點與JR松江站嘅距離都會有啲遠，建議最好搭電車、或當地路線巴士出發前往。
景點資訊
- 名稱：松江（JR松江站）
- 地址：〒690-0003 島根縣松江市朝日町472-2
- 交通方式：岡山站→[特急八雲號]約2小時40分→松江站
- Wi-Fi：有（Enmusubi Free Wi-Fi, Shimane Hajimari Wi-Fi, Matsue City Free Wi-Fi）
- 語言：中文、英文、韓文、法文
- 信用卡：可使用VISA, MasterCard, JCB, AMERICAN EXPRESS, Diners Club International
Comments