5款富山推薦必買手信

如果去富山旅行，買咩手信返香港比親朋戚友好呢？喺富山購物嘅好去處，首推JR富山站周邊。車站周圍嘅商店可以搵到藥品、漆器等等富山歷史悠久的知名商品。本文就為大家介紹富山旅遊推薦必買嘅5種手信啦。

1. 富山的藥品

富山係一個製藥產業非常出名嘅縣。富山製作藥品嘅歷史悠久，據說從17世紀前半期就開始製藥。其中，腸胃藥、頭痛藥等家庭藥品都可以試吓買嚟以備不防之需呀。富山縣嘅藥品最大特色就係其復古風嘅包裝，就算只係攞嚟做擺設，都靚到成幅畫咁呀。

呢啲些藥品可以喺富山車站前的CiC大樓一樓的「Totoyama（ととやま）」同「池田屋安兵衛商店」買得到。價錢因不同藥品而異，平均一件約500円左右，經濟實惠。（截至2019年9月資訊）

順帶一提，喺池田屋安兵衛商店可以睇到使用古老木製嘅「製丸機」嚟製作藥丸嘅過程，仲可以免費參加藥品製造體驗添。

2. 細工蒲鉾

「細工蒲鉾」即係將魚糕（魚板）加上鮮豔嘅顏色，並製作成各種唔同形狀，造型設計豐富多元，例如有標準款的鯛魚、螃蟹等富山縣特產，仲有雛人形（日式人偶）等等。雖然外表睇落好華麗，但食起嚟反而保留著濃厚魚肉味，味道樸素簡單。

如果想買細工蒲鉾，可以去「梅Kama博物館U-mei館（梅かまミュージアム U-mei館）」 或「河内屋」等商店。 價錢因唔同設計而異，但大約係500至2,000円之間。另外，參觀「梅Kama博物館U-mei館」仲可以觀賞傳統職人嘅技術，仲可以參加細工蒲鉾嘅製作體驗，體驗費用為1,500円（未稅）。製作過程會以大螢幕播放，並附有中文、英文及韓文字幕說明，有機會就要試吓啦！ (截至2019年9月資訊)

3. 井波雕刻

「井波雕刻」係富山縣南礪市井波地區嘅傳統工藝品，特別在造型充滿立體感及躍動感。作品有天神像、獅子頭、欄間（隔窗）、佛像同表禮（門牌）等多式各樣。其中吊飾同擺設用小飾品係熱門嘅手信選項。

如果想買井波雕刻，可以去道之站井波（道路休息站）「木雕之里 創遊館」、或井波雕刻綜合會館買。吊飾嘅價錢約為1,000円、擺設飾品約1萬円˙。另外，喺井波雕刻綜合會館可以試吓玩井波雕刻扭蛋機「獅子Gachara（獅子ガチャラ）」！轉一次扭蛋機費用為500円，可以轉出色彩鮮豔嘅獅子木雕御守。（截至2019年9月資訊）。

4. 高岡漆器

「高岡漆器」係高岡市的工藝品，係運用咗「青貝塗」、「雕刻塗」、「勇助塗」等獨特技術製成的漆器。其中青貝塗係將鮑貝削成薄片，用嚟製作山、水、花、鳥等圖案，技術非常細膩。青貝塗有「螺鈿」嘅別稱，做出唛嘅漆器表面會隨著光線強弱而產生色澤嘅變化，閃吓閃吓好似投影一樣咁美麗動人嘅光澤。

當中熱門嘅手信有手鏡（帶柄的鏡仔）、盤同筆筒等等。價格範圍大約5,000至20,000円左右。

如果想買高岡漆器，可以去雅覽堂或高岡地域地場産業中心等地方。喺高岡地域地場産業中心仲可以體驗製作高岡漆器。例如可以喺筆筒或咖啡杯上，以蒔繪（喺漆器上以金、銀、色粉等材料繪製紋路）或以螺鈿（以貝殼薄片製成圖案紋路後，鑲嵌喺漆器表面上）技術加以裝飾。價錢約2,800円起。 (截至2019年9月資訊)

5. 宇奈月啤酒

「宇奈月啤酒」係黑部市宇奈月釀造嘅當地啤酒，具有啤酒原始嘅香氣同味道。宇奈月啤酒係用咗黑部市所栽培嘅「二條大麥的麥芽」，同埋來自立山連峰所融雪嘅「黑部川之水」嚟釀造，保留咗一般啤酒中無嘅酵母，所以含有豐富嘅維他命同礦物質。

宇奈月啤酒共有三種口味，每一種嘅香氣同風味都唔同。水果香味濃郁嘅係「十字峡」、帶有適量苦澀感嘅係「Torocco [Alto]（トロッコ [アルト]）」、同埋具有好重甜味嘅「Kamoshika [Bock]（カモシカ [ボック]）」。去試吓比較各種口味有咩唔同都幾有趣呀。

要買宇奈月啤酒，可以去富山站前嘅CiC大樓「Ikiiki KAN（いきいきKAN）」或「宇奈月麥酒館」。350毫升嘅罐裝啤酒一罐420円。 (截至2019年9月資訊)