「World Masters Games 2021關西」只要年滿30歲以上，熱愛運動，莫論你是誰都可以參加。呢個係大會特色，可以與國外表現活躍嘅選手們齊齊係同一個場地切磋實力,亦係相當吸引人嘅魅力之一。
今次訪談咗參加過「World Masters Games」嘅選手，請他們和大家分享「World Masters Games」嘅魅力所在，今系列訪談文章將會連續刊登3篇，敬請期待。
第一次專訪，我們請到曾經參加過「World Masters Games」嘅大河原正晴先生（羽毛球）和三浦喜明先生（單車／鐵人三項），就等佢哋分享下「World Masters Games」嘅魅力和運動員生涯嘅經驗談。
與世界交流,深入感受多元重要 「World Masters Games 2021關西」報恩－大河原正晴先生（羽毛球）
－請問你參加「World Masters Games」嘅感受。
首先我感受到體格嘅差異。係亞洲之間嘅比賽中唔太睇得到差異性，但與歐美選手們交手過後,感到其中嘅天壤之別。明明年紀相彷,但他們先天體能強健，到底面對住呢類選手該如何是好？當我去思考嘅同時，令到自己有更上一層樓嘅體驗,可姒話係一個成長嘅契機,去鍛鍊加強自己。
2017年第一次參加「World Masters Games 奧克蘭 2017」，所面臨嘅對手係實力堅強嘅前任冠軍等等頂級好手。好可惜地係單打組拚銅牌時不幸敗北，但係雙打時吸取教訓及經驗，改變戰術，成功贏得銅牌。
World Masters Games 奧克蘭 2017 的銅牌紀念照
左方照片係無差別級35+雙打搭檔谷川俊昭選手，右方照片是來觀賽加油嘅妻子一起合照
－請問您在與國外選手嘅比賽，有什麼發現嗎？
打得唔錯嘅日本選手唔少，但強勁嘅對手只有參加國際大賽,先會有機會一較高下。日本羽毛球較為常見嘅係,會去注重優美正確姿勢，如此嘅對戰方式唔可以話有錯，但係面對追求強悍、擁有獨特風格嘅選手，可能會有一瞬間展露出不敵嘅破綻。
於日本適用嘅正確解答，並未通用全世界。我了解到呢一點之後，至今日積月累嘅練習與嘗試概念崩壞。呢個發現對我嚟講可以話係相當刺激。
－聽聞你而家自身亦從事不少活動，持續與國外選手切磋學習。
我學識咗中文，認識咗唔少中國、馬來西亞、新加坡等嚟自各國嘅朋友。特別係台灣，於參加比賽時，當地嘅食衣住行獲得好多人照顧，真係要數都數唔晒吖。
於是，我和世界各國嘅朋友講，如果他們要嚟日本旅行，只要帶一雙鞋嚟就OK！其他包係我身上。能夠成為交流比賽嘅橋樑，讓我相當開心，於日本各地忙碌地準備球拍服裝、介紹練習場所、組隊及朋友。
「World Masters Games 2021關西」係我報恩嘅時機啦，要還世界各地朋友嘅恩情。等我有機會同佢哋講「即將於日本舉辦國際比賽，要嚟日本玩呀喂。」，令我感到非常開心。
－請問你今後有什麼目標？
一直進化落去。為咗進化成長，刺激係好重要。我覺得World Masters Games亦係吸收各種刺激嘅來源之一。另外，作為一個教學指導者，不能怠惰於學習，去實現挑戰所學，用心去讓自己嘅教學更加吸引人並充滿說服力。
因技術和能力獲得第一嘅選手有限。但係無論係邊種類型嘅選手,只要持續進步不停進化，就可以有所成長，自己嘅成長曲線與那些一流好手重疊嘅那一天終究會到來。
首先為了成為那「ONLY ONE」持續動下去，維持體力，不斷專研技術與戰術，總有一日自己會成為「ONLY ONE」。只要堅信下去，今後我都會好享受揮舞羽毛球拍嘅樂趣。
放棄完美主義,睇見嶄新世界-三浦喜明先生（單車／鐵人三項）
－以鐵人三項參加首次「World Masters Games 」，請問你有咩感想？
我係大賽開幕之前肋骨骨折，身體狀況亦唔算好好，簡直可以話係「屋漏偏逢連夜雨」。比賽途中一陣無力感襲來，居然還是完賽了，獲得第9名。
游泳令肋骨嘅疼痛加遽，陷入一番苦戰，但擅長嘅單車,卻係得心應手。能和活躍於線上嘅職業級選手Mike.Trees,於單車項目切磋一番亦係相當美好嘅回憶。經由今次參賽經驗，令我首次意識到即使係置身於最壞嘅狀況之際，亦能發現自己嘅強處。
一直以嚟都係完美主義者嘅我，總係朝著爭取第一為目標前進。但係,於呢個大會上，令我了解到長久持續運動嘅重要性。
－請問你為什麼會產生如此嘅變化呢？
諗番轉頭，我由國中開始就不斷挑戰第一。當時熱愛古典結他嘅我,係全國大會贏得優勝。19歲開始參加電單車比賽，亦曾經獲得業餘組全國冠軍。
爭奪第一自自然然成為我嘅目標。但係，目標越高,壓力越大，自我要求變得愈高，繼而受傷無數。為咗想要獲得獎牌，身上所累積嘅傷痕有增無減。隨著年齡漸長，成績亦越嚟越不見得理想，深感再如此落去,或者自己已經無法繼續運動吧。
而家嘅我,希望就算100歲亦要活到老動到老。想要轉換成適合現階段嘅自己嘅運動方式，作適當休息。
－不再追求排名之後，而家支撐著三浦先生嘅動力為何？
Homestay度過一段溫馨的時光
其中一點係透過參加國際比賽而認識嘅新朋友，和他們之間嘅羈絆亦越來越深。我有一個韓國朋友，他叫我做大哥，當我們互相去對方國家遠征比賽時，都會去住對方屋企，自然而然同他的家人亦變得更熟悉。
另外，我都好鍾意去一些未曾踏足過嘅地方旅遊，品嚐當地美食，搭火車瀏覽當地風景，總總體驗烙印在心頭,此等喜悅可謂無可替代。
所以我考慮參加國際比賽時，會優先選擇未曾去過嘅地方。「World Masters Games 」每次舉辦嘅地點都唔同，亦係樂趣之一。
－請分享一下覺得享受國際比賽和運動嘅魅力為何？
目標奪牌全力奔跑。檳城2018亞太大師賽（APMG）自行車競賽項目獲得雙項冠軍。回國後和孫女合照紀念。
面對高齡化社會嘅課題，社會呼籲老年人需要自立。而活到老動到老，將成為身心自立嘅重要關鍵。
我個大女係鐵人三項嘅選手，有兩個小朋友。大孫30歲嘅時候,正正係2047年，屆時我79歲。如果我繼續運動下去，就有可能實現三代同堂一齊參加「World Masters Games 」嘅夢想。
我覺得自己現今嘅使命係,令更多人知道活到老、動到老嘅樂趣，讓後來嘅人睇見運動可以幾咁快樂。
仲有想要讓大家知道,跳出自己國家嘅框架，走出世界有幾咁重要。新聞報導等相關資訊通常都有贊助商資助，無法徹底了解當地嘅國情與文化。
希望越來越多人透過運動，用自己雙眼去望吓呢個世界，打從心底享受運動嘅樂趣。
總結
我們請到曾經參加過「World Masters Games 」嘅大河原正晴先生（羽毛球）和三浦喜明先生（單車／鐵人三項），於訪談中分享咗「World Masters Games 」嘅魅力以及運動生涯嘅經驗談。對於比賽，兩人各有各嘅不同想法，體驗到嘅魅力之處亦各有不同。「World Masters Games 2021關西」對於熱愛運動嘅人嚟講,係切磋交流嘅好機會。預計於2019年11月下旬會於「World Masters Games 2021關西」嘅官方網站公布更多資訊。大家千其唔好錯過啦！下次將刊登參加過壘球及籃球競賽項目嘅選手訪談，敬請期待。
「World Masters Games 2021關西」官方網站👉 https://wmg2021.jp/en/
Comments