Hi！大家好，我係青紫蘇(Aoshiso)。由於之前介紹日本夜總會好受歡迎,，今日我諗住更深入咁探索呢個地方。呢篇文章我地會一齊睇吓夜總會係點俾錢。如果你唔知要帶現金定係用信用卡俾錢，下面我地會有啲可能幫到你嘅提議。
去夜總會花費幾錢？
喺你第一次去一間夜總會，仲係自由身(free)時，夜總會大概會費 3000円至5000円，聽落係咪好合理呢？不過通常到最後埋單，加埋哂所有費用(例如加時、指名、加酒等) 嘅總數，大概會變成20,000円至30,000円。所以 如果你預算有限嘅話，最好一早同職員或者公關講明：「我今晚只會用10,000円，如果夠10,000円你就提醒我」，又或者「我今日只會逗留1節時間」。
喺日本夜總會，我應該用現金定係信用卡埋單？
去海外旅行時信用卡嘅而且確好方便，呢個時代大家已經唔太帶現金出街。所以等我地睇吓應該信用卡定現金。
夜總會入面現金大哂
去日本夜總會最主流都係用現金付款，好少會接受信用卡，除非真係人客手上無現錢而又咁啱舖頭係有信用卡付款服務。至於點解會用現金，主要係因為刷卡嘅話店舖要負擔嘅手續費好高，另外亦因為佢地通常用現金出糧，喺夜總會工作嘅人，通常都係好彈性咁，可以每日或者每個星期收現金嘅，所以佢地需要現金流動。
驚信用卡留有消息記錄？
如果一係用咗信用卡，應該會有人驚信用卡帳單留有記錄，咁一睇就知道去咗邊到消費。不過唔使驚，一般夜總會以信用卡收費時，都有用支付系統代理，所以單上面只會有代理公司嘅名，唔會有夜總會嘅名。單睇帳單喺唔會知去過夜店架。
去夜總會前記得準備現金！
相信睇完上文已經知道，如果去夜總會嘅話，記得要帶定多啲現金。同埋如果萬一到最後真係唔夠現金嘅話，先至用信用卡吧。最後要提醒大家去玩要適可而止。
夜總會係有好多誘惑，有好有唔好。當然去玩去娛樂係好，但如果上咗癮就唔好啦。Work Hard Play Hard，但記得適當時候要返嚟現實世界。
多謝你讀到呢篇文章嘅最後。
※本系列文章係針對訪日外國觀光客所寫嘅提醒注意事項之介紹文章，FUN! JAPAN並無推薦大家親身實際造訪。
Comments