Hi！大家好，我係青紫蘇(Aoshiso)。由於之前介紹日本夜總會好受歡迎,，今日我諗住更深入咁探索呢個地方。我地會一齊睇吓日本夜總會嘅一啲「常見用字」。
日本夜總會嘅「指名（指定預約）」係乜嘢？
「指名 (指定預約)」，意思係客人可以揀自己最鍾意嘅公關小姐嚟坐枱。當就可以唔使換其他小姐，可以一直同自己指定嘅 女生一齊飲酒。不過指名係要額外收貴架。而指名嘅費用係每位公關小姐都唔一樣，記得要確認清楚啦。
而「指名」其實都有分兩種，分別係「場內指名」同「本指名」。
「場內指名」
喺夜總會入面，通常如果客人無指定嘅話，咁就會自動係有唔同女仔輪流坐枱。當無指名嘅時候，就叫做「Free」。不過如果咁啱喺Free時候，有個啱心水嘅小姐嚟到坐枱嘅話，你可以揀keep住佢唔換人。咁呢個就叫做「場內指名」。場內指名都係需要額外收費，所以留住個靚女之前記得確認清楚收費同條款先。
「本指名」
「本指名」就係「Free」嘅相反。意思係客人去到夜總會時已經決定咗要指名某位公關小姐。「本指名」係喺第二次指名同一位公關小姐時成立。當「本指名」成立之後，去同一間夜總會就唔可以指名其他小姐。本指名亦都係需要額外收費，記得事情確認清楚費用同埋款先啊。
日本夜總會講「After」即係乜嘢？
「After」係指喺離開夜總會之後，帶小姐出街嘅制度。一般嚟講如果公關小姐肯同你出街嘅話，「After」係無額外收費，但所有去玩、去食嘢買嘢嘅費用，當然都係入你數。而通常去得「After」當然唔可以去快餐店或者卡拉OK，而係不成文規定要去高級餐廳同埋貴嘅地方。「After」最開心就當然係可以同意中嘅小姐獨處，好似真係去約會咁！
小心注意「After」嘅禁忌！
不過各位男士要注意，唔好對公關小姐有太多幻想。雖然可能會有男士期待可以同鍾意嘅小姐有進一步關係，而「After」嘅獨處時間更加係做就機會，不過唔好意思，公關小姐嘅工作喺唔包進一步關係架，如果男士太想入飛飛，只會係失禮嘅表現。「After」只係喺營業時間外嘅付加服務。記住要對女生保持應有禮儀，做個gentleman。
要著乜嘢衫去酒吧，可以得到公關小姐嘅青睞呢？
由於你喺去夜總會，所以其實喺需要著好啲！一套時尚嘅西裝一般嚟講喺最受夜總會小姐歡迎。因為著西裝顯得身型好啲，而且成熟有型。亦都可以casual啲，入面著T-shirt，加件西裝外套喺外面，都非常時尚。不過就記住唔好太街坊裝咁去夜總會。
日本嘅夜總會睇落係幾開心架，不過如果你唔熟規矩就可能會帶嚟麻煩。想試下體驗嘅讀者，為避免引起問題，記得確認好規矩先好去啊。希望呢篇文章可以幫到你。
咁今次文章到呢度，留待下篇文章再見。多謝你讀到最尾。
※本系列文章係針對訪日外國觀光客所寫嘅提醒注意事項之介紹文章，FUN! JAPAN並無推薦大家親身實際造訪。
Comments