佐渡島位於日本新潟市以西約45公里，島上有巒山大海、歷史古蹟、神社寺廟及老街村莊等風景名勝。富饒自然環境下，佐渡島亦孕育出白米、水果及海鮮等豐富特產。
佐渡島小檔案
屬於新潟縣嘅佐渡島，係一座海岸線長280公里、面積寬闊嘅離島。佐渡島形狀如英文字母「S」，北部為大佐渡山地、南部則為小佐渡山地，兩山之間夾著國中平原。
喺佐渡島金銀採礦業曾繁榮一時，因此自古以來有「金之島」之稱。
佐渡島氣候及最佳旅遊季節
佐渡島氣候溫暖，夏季平均氣溫約為25℃、而冬季平均氣溫則為5°C左右，雖然島上降雪量不多，但係冬季時相當寒冷，觀光設施及餐廳等都會縮短營業時間或休息。由於冬季為旅遊淡季，因此春天到秋天期間會比較適合旅遊。
佐渡島推薦必去景點
佐渡島觀光地區可分為4個部分：相川、兩津、國中及前濱、南佐渡。以下就要為大家介紹各地區嘅特色及推薦景點。
相川區：匯聚佐渡金山、尖閣灣等觀光勝地
相川區內坐擁日本最大金銀礦山遺址「佐渡金山」、海邊風景名勝「尖閣灣」以及「長手岬」等多個著名景點。
其中佐渡金山廣闊佔地內礦山軌道、採礦冶煉設施等歷史遺跡林立，屬島上必睇景點。而尖閣灣則係佐渡頭號風景名勝之一。遊客可從觀景台或觀光船上欣賞沿著海岸線延伸、長達3公里、30米高嘅尖塔狀斷崖，雄偉氣勢相當震撼。
兩津區：加茂湖、大野龜等自然景點
兩津地區坐擁湖泊、山脈、大海等多個自然景點。
「加茂湖」為新潟縣最大湖泊，廣闊湖面及背景綿延山脈交織成一幅美麗風景畫。另外，當地亦以繁榮養殖新潟縣特產之一嘅「生蠔」而見稱。
突出於日本海海面嘅「大野龜」係一塊海拔高約167米嘅龜形岩石，規模巨大、姿態雄偉。佐渡島同時亦係「飛島萓草」嘅生長地，每年5月下旬到6月上旬大片黃色花海盛開嘅美景非常驚豔。另外，島上亦會於每年6月嘅第2個週日舉行「佐渡甘草祭」。
國中及前濱區：朱鷺之森公園、妙宣寺等特色景點
國中及前濱地區坐擁介紹佐渡歷史、民俗及工藝嘅「佐渡博物館」、新潟縣唯一五重塔「妙宣寺」等多個佐渡特色景點。
遊客可於熱門景點「朱鷺之森公園」內近距離欣賞朱鷺。公園內設有多個設施，例如「朱鷺交流廣場」內嘅養殖籠就重現出類近大自然嘅環境，遊客可以於廣場內觀察朱鷺自由飛翔及進食。
南佐渡區：盆舟及老街等傳統風景
嚟到南佐渡地區，遊客可以有機會欣賞到以小木港為首、傳統建築物林立嘅村莊。有如迷宮般錯綜複雜嘅街道內林立超過100棟木製板牆民家，無疑係您欣賞佐渡風格嘅老街嘅最佳景點。
難得嚟到，一定要記得再體驗埋佐渡著名嘅「盆舟」。盆舟係佐渡當地用嚟釣魚及採集海藻嘅一種特色小船。觀光用嘅盆舟係由穿著傳統服飾嘅女船夫掌舵，遊客可於盆舟體驗期間欣賞到清澈海水、矢島及經島等小島美景。
佐渡島美食及餐廳
佐渡島上嘅餐廳大多集中於國中地區內。遊客可於佐渡島內品嚐到有「南蠻蝦」之稱嘅甜蝦、魷魚、雪蟹等多種使用當地海鮮特產製作而成嘅料理，當中又以於白飯上放上油炸佐渡日本海天然油甘魚嘅「天然炸油甘魚丼飯」為是當地一大著名美食。
佐渡島酒店及旅館
因佐渡島區域而異，住宿種類及數量亦各有不同。相川地區內除咗沿岸有多間住宿設施之外，區內亦有唔少海景酒店、民宿以及青年旅館可供選擇。
兩津地區內嘅兩津港周邊有多間優質溫泉酒店、旅館及民宿。您可以喺區內搵到一晚唔使5,000日圓嘅實惠住宿選擇。國中地區內有酒店、旅館、民宿、公寓式酒店等各式各樣住宿。值得一提嘅係，前濱地區內並無住宿設施。而南佐渡地區內嘅旅館及民宿一般集中於小木港周邊。（資訊截至2019年9月）
從新潟站前往佐渡島嘅交通方式
遊客如欲從新潟站前往佐渡島，可以轉乘巴士或渡輪到佐渡島兩津港。首先從新潟站萬代出口出發，然後於左邊約100米處嘅巴士站乘搭新潟交通巴士到新潟港，車程約為10到15分鐘。落車後從新潟港乘搭「佐渡汽船」噴射水翼船，約2小時30分鐘即可到達兩津港。
由於兩津港到各個觀光景點都有一段距離，因此建議您可以使用當地巴士方便移動。
景點資訊
- 名稱：佐渡島（兩津港）
- 地址：〒952-0014 新潟縣佐渡市兩津湊353
- 交通方式：新潟站→[新潟交通巴士]約15分鐘→新潟港→[佐渡汽船噴射水翼船]約2小時30分鐘→兩津港...步行即達
- Wi-Fi：有（Sado City Free WiFi）
- 語言：中文、英文、韓文、俄羅斯文
- 信用卡：可使用VISA, MasterCard, JCB, AMERICAN EXPRESS, Diners Club International（依設施而異）
Comments