熊野：日本古代朝聖之路嘅聖地

熊野係一個橫跨和歌山縣以及三重縣嘅觀光地區，範圍好廣闊，亦係相傳古代日本諸神降臨嘅聖地。另外，包括熊野古道同埋三座熊野神社在內嘅文化景觀，以「紀伊山地的靈場和參拜道」登錄成為世界遺產。

熊野小檔案

熊野位於紀伊半島南部。觀光區可分為6個部分：和歌山縣田邊市、新宮市、那智勝浦町、北山村、太地町以及三重縣熊野市。各區都有神社、佛寺、溫泉以及海邊休閒等各式各樣觀光景點。

熊野有各式各樣嘅魅力，以下為大家介紹熊野旅遊熱門地方，田邊市、新宮市、那智勝浦町嘅推薦景點。

田邊市係熊野嘅大門口（日文可以叫「玄關」）。有神社、佛寺、溫泉、風景名勝等各種觀光景點。其中，熊野本宮大社係必到景點。呢間神社是係日本全國有4700多座分社嘅熊野神社之總本社，社殿建築更加係精彩傑作。

另外，亦可以前往位於熊野本宮溫泉鄉嘅川湯溫泉。呢度可以體驗到好多寶貴經驗，例如：喺河岸上自己掘溫泉自己浸，或是冬天著泳衣浸嘅仙人溫泉。

新宮市喺田邊市以東嘅區域。呢個區域可以欣賞到貴重嘅歷史遺跡同埋風景名勝，仲可以體驗著和服。

首先，熊野速玉大社係一座好靚嘅神社，社殿油咗鮮豔嘅朱紅色。神社境內有一棵樹齡超過1000年嘅大樹「竹柏」，仲被指定為國家天然紀念物。

另外千祈唔好錯過「和服體驗處熊代屋」。可以著上和服或浴衣，喺新宮市歷史悠久嘅街道上漫步。

那智勝浦係新宮市南部嘅觀光區。有熊野那智大社同那智大瀑布等觀光景點，可以乘搭觀光船巡遊「紀之松島巡遊」，進行海上悠閒活動，或者試下平時時代服裝體驗等，非常多吸引遊客嘅地方。

熊野那智大社嘅特徵係朱紅色嘅本殿同社殿。春天嘅時候，垂枝櫻同秀衡櫻會盛開，為神社境內增添華麗色彩。另外，每年7月14日都會舉行「那智扇祭」。

而距離那智大社步行15分鐘路程嘅那智大瀑布亦係必遊景點。由133米高處落下嘅瀑布，氣勢令人震撼。那智大瀑布嘅高度同水量係全日本第一，名列日本三大名瀑布之一。

熊野古道係通往熊野三山—熊野本宮大社、熊野速玉大社、熊野那智大社嘅參拜道路總稱。由和歌山前往奈良、三重縣，有很多條路線選擇。另外，和歌山縣嘅中邊路、大邊路同小邊路係日本古代嘅朝聖之路，以「熊野參拜道」登錄為世界遺產。

熊野嘅海鮮料理好出名。其中，芥菜包醋飯嘅「目張壽司」以及「秋刀魚壽司」係熊野地方有名嘅鄉土料理。

提供呢啲料理嘅餐廳，喺熊野三山周邊有好多，參拜前或參拜完後，一定要順路去埋呢啲餐廳嚐試當地美食喔！

熊野各區嘅住宿設施特徵各有不同。

首先喺田邊市地區，JR紀伊田邊站周邊有好多酒店、旅館同民宿。

而喺新宮市地區，JR新宮站周邊就聚集咗好多飯店同旅館，仲有一啲主要只有住宿，無廳或者宴會設施嘅「宿泊特化型酒店」，每晚約4,000日圓。（截至2019年9月資訊）

那智勝浦町地區，以JR紀伊勝浦站為起點，沿海一帶有好多旅館。

太地町地區同北山村地區嘅住宿設施較少，但都有一啲好似屋企咁舒適嘅民宿、小木屋風格嘅住宿。

從大阪出發前往熊野，可以由JR新大阪站前往JR紀伊田邊站。由JR新大阪站乘搭「特急黑潮號」，車程約2小時10分鐘。

另外，熊野地區觀光景點散佈於各區域。如果想前往神社或其他觀光景點，可以由JR紀伊田邊站搭電車或巴士。