位於日本岡山縣嘅倉敷川運河地區，至今仍保留著以黑瓦白牆等特色日本傳統建築物。倉敷川沿岸兩旁街景洋溢懷舊復古氛圍，一整年吸引大批觀光客造訪，加上區內多間古老民宅現今皆已被改裝成café或畫廊等店舖，可以話係一個又好玩又好行嘅魅力景點！
日本岡山縣倉敷運河地區
倉敷運河地區一帶林立著多幢日本傳統建築物，遊客可以喺街上欣賞到充滿懷舊風情嘅街景。區內西洋風格建築物與日式和風建築和諧並存，既有保留著昔日風情嘅古民宅，亦有經整修後改建而成嘅café或畫廊、紀念品店等特色商店，堪稱將「和風與西洋」、「傳統復古與現代摩登」完美結合。新舊交織而成嘅美麗街景，充滿著獨特且令人悠然放鬆嘅氛圍。
倉敷運河地區嘅歷史
受惠於溫暖氣候與豐饒土地，倉敷自古以來就係一個交通重鎮。區內將高梁川支流「倉敷川」開發為運河並大力發展水運，成功吸引各地商人聚集且興建倉庫為據點，令倉敷成為舊日「備中地方」（現今岡山縣西部地區）嘅物資集散及商業中心，江戶時代曾一度大規模開墾新田地，發展繁榮急速。惟明治時代以後運河航運日漸衰退，幸好獲當地商人活躍努力之下，經濟狀況再次重上軌道，城鎮各處設施都得以整備得相當完善。
倉敷運河地區推薦景點
倉敷運河地區最大特色為黑瓦白牆日式傳統建築。遊客可於倉敷川上乘船遊河、欣賞沿岸景色。從遊客熙來攘往嘅倉敷川沿岸運河地區稍微往小巷內探索的話，您會發現內裡其實亦保留著唔少傳統日式建築及古色古香街道。「本町」及「東町」嘅街距離人潮聚集嘅倉敷川畔雖然僅有一條街距離，但氛圍卻十分沉穩靜謐，令人感覺時間流逝亦跟著變得緩慢。仲有傳統復古街景以及由古民宅改裝而成嘅café及畫廊等，都非常適合各位來此悠閒慢遊。
前往岡山・倉敷運河地區嘅交通方式
要從東京都內前往倉敷，您可從東京站乘搭新幹線（車程約3小時）至岡山站下車，然後從岡山站轉乘JR列車（車程約17分鐘）至倉敷站下車，最後從倉敷站徒步約13分鐘即可抵達倉敷運河地區。
景點資訊
- 名稱：倉敷站前觀光導覽中心
- 地址：岡山縣倉敷市阿知1-7-2
- 交通方式：東京站→[新幹線] 車程約3小時→岡山站→[JR] 車程約17分鐘→倉敷站
- Wi-Fi：有
- 語言：可用英文溝通
- 營業時間：9:00～18:00（休息日：年底年初新年假期）
- 投幣式置物櫃：有。9:00～17:00（僅限當天使用）
Comments