喺寺廟或者神社舉行嘅「祭典」，可以話係日本嘅特色之一。祭典入面有唔同嘅攤擋，大家跳著盆舞，氣氛相當熱鬧好玩，如果嚟到日本嘅話都想大家去體驗吓，但係呢啲祭典好多時只係一年一次，舉辦嘅時期好短，好難咁啱夾到行程去。不過，喺神田明神舉行嘅「江戶東京夜市」，就每月都會舉行！大家幾時嚟東京都有機會去到。今次FUN! JAPAN團隊就去到現場，為你介紹呢場「祭典」係點樣嘅！
神田明神嘅「江戶東京夜市」係？
係神田明神嘅範圍入面，每個月月尾舉行嘅祭典。可以從中體驗到日本文化中嘅緣日廟會、祭典、次文化等。嚟東京或者秋葉原觀光旅遊時，可以去輕鬆去玩嘅祭典。
位於東京・秋葉原 獨特嘅「神田明神」
「神田明神」喺公元730年創建。喺江戶時代，稱為「江戶總鎮守」，作為守護全江戶嘅神社，深受上至將軍下至平民嘅民眾篤信。因為神田明神亦都守護住秋葉原一帶，因秋葉原而同動漫有住強大嘅連繫，所以都有賣同人氣動畫合作嘅繪馬同埋手信。
每月舉辦嘅「江戶東京夜市」
「江戶東京夜市」係一個可以體驗各式各樣嘅日本文化嘅祭典，其中包括有廟會活動、祭典與次文化等。喺2019年8月開始舉行。有排檔攤檔嘅小食、廟會中會出現嘅遊戲，仲有卡通人物嘅表演，全部都可以喺呢度體驗到。
嚟到「江戶東京夜市」您一定要試...
1.美味嘅攤檔小食：章魚燒、牛油焗薯…
「江戶東京夜市」有25檔檔攤。包括有章魚燒、牛油焗薯、炒麵等經典會喺廟會出現嘅小食，可以隨便揀隨便買嚟食。
另外，仲會有妖怪嚟招呼客人嘅特別檔攤。
連有Hello Kitty Donuts同甜品嘅SANRIO餐車「奇蹟禮物大遊行號(Miracle Gift Parade)」都有喺到。
2. 氣氛熱烈嘅祭典同表演
江戸東京夜市入面，會有太鼓、盆舞等祭典活動，俾大家可以近距離欣賞同參加。今次就有島根県嘅「石見神楽」嚟表現，仲可以同「大蛇」影相留念添。盆舞係所有人都可以參加一齊跳。每個月都會有唔同地方嘅祭典活動係神田明神登場。
喺神社入面嘅神槳殿，會舉行獨特嘅表現。喺8月就有今年迎接45周年嘅Hello Kitty嘅Mini Stage。
2019年嘅舉辦日程列咗喺下面。大家如果咁啱嚟到東京，可以去參加睇吓啊！
江戶東京夜市舉辦日期
- 2019/9/21（六）、22（日）
- 2019/10/19（六）、20（日）
- 2019/11/30（六）、12/1（日）
- 2019/12/13（五）、14（六）
景點資訊
- 景點名稱：神田明神
- 休日：不定期
- 地址：東京都千代田區外神田2-16-2
- 交通方式：
中央線、總武線 御茶水站（聖橋口）徒步約５分鐘
京濱東北線、山手線 秋葉原站（電器街口）徒步約７分鐘
東京Metro丸之內線 御茶水站（１號出口）徒步約５分鐘
東京Metro千代田線 新御茶水站（B1出入口）徒步約５分鐘
東京Metro銀座線 末廣町站徒步約５分鐘
東京Metro日比谷線 秋葉原站徒步約７分鐘
Comments