日本政府揭示目標，希望喺2020年吸引4000萬名旅客到日本旅遊。所以，各地方政府都為咗吸引遊客而做咗好多宣傳同埋活動。喺去日本旅遊之前，先嚟了解一下當地嘅交通狀況，係非常重要。這篇文章，就係想向你介紹日本嘅交通機構現況。
JR、地下鐵、私鐵與巴士
日本交通網路非常發達，我地成日都會見到「JR」、同埋顧名意義係喺地底挖隧道鋪鐵路嘅「地下鐵」，仲有民間私人企業經營嘅「私鐵」。另外，仲有一種相當特別嘅交通機構經營方式，係由國家或者地方公共團體(稱為第一部門或者公部門)，同民間企業(即係第二部門或者私部門)合資嘅「第三部門」鐵路。當然，除咗鐵路之外，仲有其他巴士等常見嘅公供交通工具。
JR係？
JR嘅全名係「Japan Railway」，係喺日本國有鐵道(國鐵)分拆咗做民營化後成立，主要經營鐵路事業等業務嘅企業集團。分為北海道旅客鐵路公司(JR北海道)、東日本旅客鐵路株式會社(JR東日本)、東海旅客鐵道株式會社(JR東海)、西日本旅客鐵道株式會社(JR西日本)、四國旅客鐵路(JR四國)、九州旅客鐵道株式會社(JR九州)，6間旅客鐵路公司同埋1間日本貨物鐵路(JR貨物)。集團下共有7間公司。
私鐵係？
私鐵即係私有鐵道嘅簡稱，除咗國營公營嘅鐵路之外，仲有民間出資經營嘅鐵路公司。可以列舉出嚟嘅15間私鐵，分別為，關東地區嘅東急電鐵、東武鐵道、西武鐵道、京急電鐵、京王電鐵、小田急電鐵、京成電鐵；關西地區嘅阪急電鐵、近畿日本鐵道、京阪電鐵、阪神電車、南海電鐵；名古屋地區嘅名古屋鐵道；九州地區嘅西日本鐵道。私鐵好多都係行駛於大都市周邊地區嘅路線，除咗幫咗好多運輸、通勤、通學嘅朋友之外，仲持續咁為地區嘅運輸服務。
日本嘅地下鐵
地下鐵主要係行駛於大都市嘅市中心嘅地下隧道。日本第一條地下鐵係喺1927年運行東京淺草至上野嘅路線。發展至而家，大阪、名古屋、京都、神戶、札幌、橫濱、福岡、仙台等都有地下鐵行駛。
日本嘅巴士
日本亦有固定嘅「路線巴士」，依從一定時間表行使載客，而且日本巴士以準時出名。另外，由各地去機場嘅「機場巴士」，同埋去較長途地方經高速公路嘅「高速巴士」，夜晚行駛嘅「夜間巴士」，都係好常會用到嘅交通工具。
各種優惠交通套票 依地區幫您分門別類
今次，FUN! JAPAN團隊依地區，整理列出咗遊客經常會用得到嘅優惠交通套票，你可以依照自己嘅行程計劃，參考吓有無適合你嘅交通套票！
- 旅日必讀！鐵路＆巴士優惠套票一覽【廣域篇】
- 旅日必讀！鐵路＆巴士優惠套票一覽【北海道・東北地區篇】
- 旅日必讀！鐵路＆巴士優惠套票一覽【關東地區篇】
- 旅日必讀！鐵路＆巴士優惠套票一覽【中部地區篇】
- 旅日必讀！鐵路＆巴士優惠套票一覽【關西地區篇】
- 旅日必讀！鐵路＆巴士優惠套票一覽【中國‧四國地區篇】
- 旅日必讀！鐵路＆巴士優惠套票一覽【九州‧沖繩地區篇】
日本嘅國土好大，前往各地都可以有多種唔同嘅交通方式。所以去日本旅遊時，可以先依自己嘅目的地同埋情況，規劃好交通方法，令你嘅旅程更加順利同充實。
注意事項
- 套票為訪日外國遊客專用（部分除外）。居住在日本國內的人無法購入。
- 部份套票如在到達日本前先上網路預約，會有更優惠價格。
- 各種套票依售賣公司不同，購票方式及地點亦會不同
- 購買時可能需要出示護照等身份證明文件
Comments