「MOA美術館」坐落於可以俯瞰熱海海景嘅山上。館內展示國寶、重要文化財等珍貴藝術品。唔只所展示嘅藝術品，美術館本身嘅建築、附設嘅能樂堂同茶室等建築都好出色，係一個充滿特色嘅觀光景點。
熱海市的MOA美術館
MOA美術館位於靜岡縣熱海市，於1982年開館，2017年重新翻修開幕。館內收藏國寶、重要文化財等大約3,500件珍貴藝術品。美術館空間明亮充滿開放感，可以眺望相模灣景色。能樂堂同圓形大廳會舉辦傳統藝能表演或音樂會。另外，仲有日本庭園、茶室同「屋敷（古時宅邸）」，亦可以欣賞四季唔同嘅日本風情同景色。
MOA美術館的必睇重點
尾形光琳、野野村仁清所創作的國寶級貴重作品
去到MOA美術館必睇嘅貴重美術作品有，尾形光琳代表作——國寶「紅白梅圖屏風」、野野村仁清作品——國寶「色繪藤花文茶壺」等。展覽室內嘅櫥窗使用低反射、透明度高嘅玻璃，可以畀人清楚地欣賞作品細節。點解唔放慢腳步，好好欣賞一下呢啲珍貴嘅日本藝術品呢？美術館內可以影相，但僅供個人使用。另外，館內禁止使用單腳架、三腳架、自拍棍同閃光燈。
可以一邊用餐一邊欣賞美景的餐廳
美術館內有西式餐廳、日式料理餐廳、可享用抹茶及和菓子嘅茶室、咖啡店等等。喺咖啡店可以一邊欣賞美麗海景，一邊享用有機咖啡同新鮮出爐麵包等，非常嘆！另外，日式餐廳同茶室提供充滿日式風情嘅環境，好有氣氛。
MOA美術館參觀資訊
MOA美術館嘅開館時間係9:30至16:30（最後入館時間為16:00）。休館日為更換展覽期間同逢星期四（遇日本公眾假期則照常開館）。門票為成人1,600日圓（團體為1,300日圓）、中學高中生及大學生1,000日圓（團體為700日圓）、中學初中生及以下免費。
從東京去MOA美術館嘅交通方式
從東京市區去MOA美術館，可以從東京站乘搭新幹線，約37分鐘後於熱海站落車。從熱海站轉車搭巴士，巴士總站8號站牌搭乘開往MOA美術館嘅巴士，約7分鐘後於終點站MOA美術館巴士站落車步行即達。
景點資訊
- 名稱：MOA美術館
- 地址：靜岡縣熱海市桃山町26-2
- 交通方式：熱海站→[巴士]7分鐘→MOA美術館
- Wi-Fi：有
- 語言：英文
- 購票方式：現場窗口、網路、住宿設施
- 信用卡：VISA、MASTER CARD、JCB
Comments