「Bilibara♪ Bilibara♪～」聽到呢首咁開心嘅主題曲，係咪已經知道今次小編要介紹乜嘢呢？無錯！就係大家嘅童年回憶，日本動畫《櫻桃小丸子》。為咗慶祝動畫開播30週年，日本喺9/5到9/29推出《櫻桃小丸子》主題餐廳「Chibi Maruko-chan×TOWER RECORDS」，快啲一齊嚟睇下第一輪嘅餐牌菜式（9/5-9/17），有啲乜嘢好食呢！
小丸子漢堡扒
首先要隆重登場嘅，當然就係主角調皮嘅小丸子！每次都一直搞怪，令媽媽、家姐大發雷霆，今次難得乖乖躺喺餐盤上畀大家享用啊！（誤）今次係小丸子最鍾意食嘅漢堡排！熱騰騰嘅白飯被製成小丸子白雪雪幼滑嘅，大家忍唔忍心拎起叉畫花佢塊臉呢？（花咗臉點算？）
永澤同學洋蒽意粉
「如果你願意一層、一層、一層剝開我嘅心～你會發現～你會訝異～係班上嘅毒蛇男永澤～」（到底係咩歌詞？XD）每次都對藤木講啲尖酸刻薄嘅說話，永澤終於受到報應了吧！（笑）呢碗充滿海鮮湯嘅意大利粉會唔會太誇張？直接放上一大顆超搶眼嘅洋蔥！洋蔥愛好者唔使再嫌洋蔥唔夠多，因為成個送畀你！（真係會有人敢食哂去嗎？）
名畫面重現嘅吞拿魚三文治
如果唔想咁重口味嘅話，可以試吓吞拿魚三文治，三文治果然要配沙律醬同黃瓜一齊食最好味！再將張大眼望清楚，右邊係咩嚟架？原來喺《櫻桃小丸子》第一集入面，小丸子同家姐搶到打起嚟嘅那本筆記簿，印咗喺三文治袋上面！！大家係咪好懷念呢？原來已經30年了呀……（時代嘅眼淚QQ）
仲有甜品同特飲
為咗慶祝小丸子30歲生日（？）連平時沉默寡言嘅野口都嚟湊熱鬧，奉上藍莓味生日蛋糕！盤子上仲印有野口嘅招牌冷笑聲「クックックッ……（呵呵呵……）」，令人聽到就毛管發寒！
另外仲有刨冰、水蜜桃乳酪飲品、哈密瓜梳打……等多種飲品同甜品等住大家！
其他限定周邊
如果點指定套餐，仲會送超可愛嘅小丸子午餐墊！另外，仲有小丸子毛巾、手提袋等周邊商品，而喺9/18起，仲會有第二輪嘅全新菜式推出，大家可以一齊期待～
店舖資訊
- TOWER RECORDS CAFE表參道店
- 營業時間：11：00-21：30
- 地址：東京都澀谷區神宮前6-3-9 Imon原宿2樓
Source:sgs109
© 妞新聞 www.niusnews.com
Comments