愛媛縣松山市之旅3間推薦酒店

松山城係「日本現存十二座天守」之一，至今仍保持著當初建造時嘅原貌，而愛媛縣首府松山市內則有多個觀光景點，例如相傳係日本最古老溫泉嘅道後溫泉，以及於城鎮中行駛嘅『少爺列車』。今次，編輯部就將會為您推介3間松山市酒店。

1. Candeo Hotels 松山大街道

「Candeo Hotels 松山大街道」最吸引嘅地方，就係位於頂樓13樓嘅景觀戶外浴池。酒店希望客人可以趁機愛上呢座美麗嘅松山市，因此特地打造出有別於日常生活嘅夢幻空間。

酒店提供多元化客房類型，將日式傳統與現代設計完美融合。住客可以從頂層眺望松山城，安坐房內悠閒度過美好時光。

酒店早餐為自助形式。您可以喺餐廳內品嚐到手作配菜，仲可以從豐富嘅日式、西式料理菜式中揀選自己嘅心水菜餚。眼前一款又一款新鮮健康嘅早餐，Candeo Hotels 松山大街道就係您展開旅程新一天嘅最佳住宿！

位於松山城附近嘅「MYSTAYS飯店松山」，以時尚設計嘅客房為作為賣點，並主要提供雙人房及雙床房。

而編輯部想要推介嘅，就係舒適嘅景觀三人房。三人房最多可客納四個人，房客從房間內即可一覽城堡全貌。當您聯同家人或朋友到松山旅行時，呢個房型無疑就係你您嘅最佳選擇！酒店亦有提供日式房間，想要體驗日式榻榻米房間的話就絕對不容錯過。

早餐時段推薦在到酒店內嘅「La TERRAZZA」享用日式、西式自助餐。餐廳多款菜式都選用咗當地食材，例如係愛媛縣著名嘅鯛魚飯、鄉土料理之一嘅煮芋頭，又或聞名日本全國嘅松山原創橙汁「Pon Juice」。

飯店資訊

松山東急REI飯店設計簡潔舒適、客房設備齊全。

酒店頂層嘅家庭房最多可以容納4人，住客喺房內即可以俯瞰松山城、感受松山市歷史。

入住松山東急REI飯店時，請唔好錯過酒店嘅晚餐，事關您可以品嚐到著名嘅當地美食—鯛魚飯！酒店一共提供兩款鯛魚飯，一款係將鯛魚撈埋白飯煮成；另一款則將鯛魚魚生直接放喺白飯上囓「宇和島風格」。

另一方面，酒店自助早餐提供多款日式及西式料理，並且仲有一個匯集咗愛媛縣著名當地美食嘅「愛媛縣專區」，記得要品嚐一下喇！