山形縣旅行3大推薦酒店

山形縣有藏王溫泉等溫泉鄉，又因降雪量多而出名玩各種冬季運動，加上受惠於豐裕大自然盛產美味水果，仲有滋味米澤牛等等，有豐富吸引人嘅旅遊景點同美食。今次就同大家介紹位於山形車站附近嘅3間酒店，計劃去山形旅行就參考吓啦。

APA酒店山形站前大通（APA Hotel Yamagata Ekimae Odori）

APA酒店山形站前大通係屬於經濟實惠又優質嘅連鎖酒店——APA酒店其中一間喺山形嘅分店。交通方便，距離JR山形站東口只係7分鐘路程。

酒店一共有56間客房。有吸煙房亦有禁煙房。8樓嘅禁煙房Premier Room使用APA酒店原創嘅床墊，讓客人好似躺於雲層般舒適。另外，呢間酒店嘅浴室只有淋浴設備。

喺1樓嘅貴賓室可以享用自助式免費早餐，提供咖啡，從烘焙店直送嘅麵包等等。推薦食個簡簡單單嘅早餐，從朝早就擁有一個好心情去開展你嘅旅途啦！

山形舒適酒店曾經翻新並於2019年2月重新開幕，現時全部客房都係禁煙室。另外，仲會提供迎賓飲料同免費早餐。

酒店嘅地理位置良好，距離JR山形站只需行2分鐘，而且可以使用信用卡付款。亦有投幣式洗衣機等完善設施，就算係長期住宿都好方便。早餐菜色豐富，有麵包、湯、沙律等等，提供客人營養均衡嘅早餐。

山形城堡酒店自開業以來已超過30年，受好多遊客愛戴，到山形玩會再次入住。

酒店房型多元，從簡單嘅單人房，到可以同屋企人朋友共同入住嘅雙床房等都有，甚至有可以欣賞到山形市區夜景同藏王景色嘅豪華客房添！

酒店內嘅餐廳，有法式、中式、日式料理、拉麵等餐廳任君選擇。

山形城堡酒店嘅招牌早餐係使用當造食材製仍，可以食到新鮮沙律，甚至有廚師喺你面前即場整蛋料理，煮芋頭、蒟蒻丸子等鄉土料理添。如果想喺山形縣享受與別不同嘅住宿體驗，咁可以考慮一下呢間酒店呢。