位於日本中部地區嘅三重縣，以伊勢神宮聞名。伊勢神宮從江戶時代開始，就係日本人心目中「一生至少要參拜一次」嘅神聖地方。其實，三重縣唔只有伊勢神宮，仲有世界遺產熊野古道等歷史景點、長島溫泉樂園等大型娛樂設施都好完善。今次就為大家推介3間三重縣優質酒店。
齋王之宮旅館
齋王之宮旅館距離伊勢神宮外宮約10分鐘車程。
「齋王」係指未婚嘅皇族女性，代替天皇侍奉伊勢神宮。齋王之宮旅館提供多項體驗型活動，例如可以著齋王嘅「十二單」禮服影紀念照。（需要預約）
齋王之宮旅館從客房到料理都非常講究。三種類型嘅客房都有露天溫泉同附有床幔嘅豪華大床，可以讓你體驗彷如置身夢幻又豪華嘅宮廷世界。料理方面，融合咗平安時代嘅優雅華麗同現代式嘅日本風格，都好受歡迎㗎。
嚟到三重縣旅行，可以考慮吓嚟呢度住，體驗優雅嘅日本文化。
酒店資訊
- 名稱：齋王之宮旅館（伊勢 旅館 斎王の宮）
- 地址：三重縣伊勢市佐八町池之上1165.1
- 交通方式：東京站→[JR東海道・山陽新幹線Nozomi列車]約1小時40分鐘→名古屋站→[近鐵特急]約1小時20分鐘…近鐵宇治山田站…接駁巴士約10分鐘（要預約）
- Wi-Fi：有
- 語言：英文
- 信用卡：可以使用
伊勢Kaguraba度假村千之杜（伊勢かぐらばリゾート千の杜）
「伊勢Kaguraba度假村千之杜」無論係一個人旅行，定係同屋企人或朋友，都好適合入住。度假村嘅和室、洋室同和洋室房型，都可以畀你體驗日式榻榻米。
度假村內源用新美里溫泉嘅溫泉水都好受歡迎。可以享受廣闊嘅露天溫泉、大浴場。如果想要享受私人空間，亦可以付費使用包場嘅露天溫泉。
夏天時，可以使用度假村內嘅流水泳池，仲有滑梯，度假村嘅住客使用呢啲設施仲可以享半價優惠。嚟到呢度，可以畀你享受三重縣度假村嘅環境氣氛。
料理方面，提供使用新鮮當造食材製作嘅豪華料理，甚至有使用日本龍蝦、松坂牛等食材製作嘅會席料理！
酒店資訊
- 名稱：伊勢kaguraba渡假村千之杜（伊勢かぐらばリゾート千の杜）
- 地址：三重県伊勢市佐八町池の上1165-1
- 交通方式：東京站→[JR東海道・山陽新幹線Nozomi列車]約1小時40分鐘→名古屋站→[近鐵特急]約1小時20分鐘…近鐵宇治山田站…接駁巴士約10分鐘（要預約）
- Wi-Fi：公共區域有
- 語言：英文
- 信用卡：可以使用
志摩觀光酒店
1969年開業嘅志摩觀光酒店係一間歷史悠久嘅酒店，曾經接待過好多貴賓。
志摩觀光酒店有兩個館，一個係著名建築師村野藤吾所設計嘅「經典館」，另一個係2008年開業、全部客房都係套房嘅「灣景套房」。
酒店坐落於伊勢志摩國立公園嘅中心，位於著名嘅里亞式海岸，可以俯瞰「英虞灣」景色。酒店嘅客房精緻豪華。而法式餐廳「La Mer the Classic」更曾經出現喺日本著名小說嘅場景中。志摩觀光酒店絕對係一間值得你入住體驗嘅高級酒店！
酒店資訊
- 名稱：志摩觀光酒店（志摩観光ホテル）
- 地址：三重縣志摩市阿兒町神明731
- 交通方式：東京站→[JR東海道・山陽新幹線Nozomi列車]約1小時40分鐘→名古屋站…步行約10分鐘→近鐵名古屋站→[近鐵特急]賢島→巴士約2分鐘
- Wi-Fi：有
- 語言：英語
- 信用卡：可以使用
Comments