宇和島：日本著名武士「伊達」10萬石城下町

宇和島市位於愛媛縣南部地區「南予」。從17世紀起，宇和島市就作為日本著名武士—伊達家族嘅城下町而繁榮發展，市內遍佈多座庭園及田野等充分展現出大自然美嘅景點。

宇和島小檔案

宇和島市係一座座落於南予地方嘅主要城市，面朝綿延里亞式海岸及宇和海。亦正因為鄰近里亞式海岸，宇和島市嘅珍珠魚類等養殖業發展得特別蓬勃。另外，宇和島市亦係源於17世紀後期嘅熱門鬥牛舉辦地點，每年都會舉辦5次「宇和島鬥牛」大會。

宇和島市平均最高氣溫約為20度，係一個相對溫暖嘅地區，一整年都非常適合觀光。例如遊客可以喺春天欣賞到比日本其他地方早開嘅櫻花；夏季可以喺「宇和島牛鬼祭」中遇上令人印象深刻嘅「牛鬼」市內巡遊；而秋天期間則可以喺宇和島市北部嘅三間町欣賞到粉紅色、白色、紅色波斯菊盛開嘅美景，各個季節都各具特色觀光活動！

宇和島上座落著多個極具特色嘅景景點，例如有與17世紀藩主伊達家相關嘅歷史古蹟、寺廟、神社、庭園等等。以下就會為大家介紹宇和島北部、中部及南部地區特別推薦嘅景點。

北部地區以舊吉田町・舊三間町為中心，區內有四國八十八座靈場中著名嘅「稻荷山龍王寺」和「一果山沸木寺」等神社及廟宇。您亦可以喺到搵到與宇和島歷史息息相關嘅景點，例如重現武士宅邸及商家建築街景嘅「國安之鄉」，以及茅草屋頂「舊庄屋毛利家屋敷」等等。

此外，種有10公頃波斯菊花海嘅「中山池自然公園」、飽覽整個宇和海全景嘅「法華津山嶺」等等亦都非常值得參觀。

中部地區以舊宇和島市為中心，區內遍佈多個與日本著名戰國大名「伊達家」相關嘅景點。例如，建於17世紀嘅「宇和島城」內就有自建城當時保存至今嘅天守閣；大名庭園「天赦園」內嘅紫藤竹林美景亦非常值得一遊。

中部地區唔單只有與伊達家族相關嘅景點，仲擁有日本第一大鳥居「和靈神社」、以石牆構成嘅斜坡梯田「遊子水荷浦梯田」等等景點。

南部地區以舊津島町為中心，區內保留著多座建於19世紀左右嘅建築。遊客可以喺街道上散步，欣賞充滿日本風情嘅景色。四國最大型庭園「南樂園」以及壯麗峽谷「橫吹溪谷」等風景名勝亦係推薦風光名勝。

宇和島各區住宿設施並無太大差異，每個區域都設有多間民宿。住宿設施以JR宇和島站及宇和島城附近嘅中部地區內數量最多，民宿以外仲有以住宿為主嘅酒店可供選擇。民宿每晚價位約為6,000〜10,000日圓，部分酒店平均每晚更只需唔使5,000日圓。如果您想要尋找價錢合理嘅住宿，則推薦JR宇和島站周邊。

宇和島以使用當地海鮮食材製作嘅料理而聞名，例如「宇和島鯛魚飯」、「鯛魚素麵」、「太刀魚卷」等，新鮮程度保證您食到舐舐脷！

提供宇和島當地特色料理嘅店舖大多集中於JR宇和島站及宇和島城周邊。

如欲前往宇和島觀光，建議以「JR宇和島站」作為起點。從JR松山站乘搭特急宇和海號列車，車程約1小時20分鐘可抵達JR宇和島站。

宇和島站與各景點都有一段距離，建議轉乘當地巴士前往。